Пендаровски: Нема потреба од нова вонредна состојба

Претседателот Стево Пендаровски во обраќањето до јавноста кое е во тек кажа дека во овој момент нема потреба од прогласување вонредна состојба.

Тој објасни дека сите досегашни вонредни состојби беа на предлог на Владата и по консултации на седница на Советот за безбедност со цел борба против ефектите од пандемијата во социјалната и здравствената сфера. Но, како што кажа Пендаровски, претседателот на државата може да прогласи вонредна состојба и без барање од Владата и тоа е овозможено со Уставот.  

„Сметам дека во овој момент нема потреба да прогласам нова вонредна состојба. Има доволно количини медицинска опрема и донесени мерки во економијата за кои има средства во буџетот“, рече Пендаровски.

Според него, погрешна е и споредбата со претходните вонредни состојби од аспект на бројот на заразени и починати тогаш и сега, бидејќи вонредна состојба не беше воведена од тие причини. А за другите мерки, вклучувајќи и полициски час, има законска регулатива и нема потреба од вонредна состојба.

Пендаровски додаде и дека се погрешни толкувањата дека вонредната состојба има врска со датумот за избори, бидејќи, како што рече, избори може да има и за време на вонредна состојба.  

Претседателот Пендаровски досега прогласи четири вонредни состојби, две по 30 и две по 14 дена. Последната вонредна состојба беше прогласена на 20 мај и истекува в сабота, 13 јуни.

„Сакајќи ја Америка и должејќи ѝ ја првата верност нејзе, ние ќе бидеме безвредни синови и ќерки на Америка ако немаме љубов во нашите срца за почвата што нè хранеше во нашето детство, за јазикот што го зборуваме и што го немаме заборавено...“

повеќе

Овде нема такво нешто. Има некои чинители што се занимаваат со испишување црвени линии. Не им значи ништо фактот што токму под ова гесло е овозможен најдолготрајниот мир на европскиот континент.

повеќе

Србија продолжува да го негира минатото, при што нејзините политички елити ја користат резолуцијата за да ѝ се спротивстават на Црна Гора и истовремено се надеваат дека овој потег ќе им донесе поголема популарност дома.

повеќе