Во Меѓународниот центар Низами Ганџави во Њујорк

Пендаровски: Неизвесноста во евроинтеграцијата може да влијае на мирот и стабилноста во регионот

„Што значат мирот и стабилноста во 21. век?” е темата на која говореше претседателот Стево Пендаровски на 20.состанок на високо ниво во организација на Меѓународниот центар Низами Ганџави, што се одржа на маргините на 76. Генерално собрание на Обединетите нации. 

 

Пендаровски, како што соопшти неговиот кабинет, говорел за искуствата на земјите од регионот на Западен Балкан по падот на комунизмот, констатирајќи дека заради низа објективни причини, како што беа конфликтите во поранешна Југославија, економската девастација, бројните отворени прашања, ниту една земја од регионот не може да се вброи како лидер на посткомунистичкиот период во Европа.
Тој се осврнал и на искуствата на Македонија, со посебен акцент на направените компромиси со соседите, членството во НАТО и посветеноста на интеграцијата на земјата во ЕУ.
Според него, одржувањето на перспективата за членство во Европската Унија е клучниот двигател за реформите, не само во нашата држава, туку и во земјите од Западен Балкан, додека самото членство - клучно за обезбедување долгорочна стабилност, мир и просперитет во регионот.
„Во оваа смисла, опишувајќи го евидентниот застој во интегративните процеси на сите земји од Западен Балкан во изминатите неколку години, претседателот Пендаровски изрази загриженост и предупреди дека неизвесноста на овој план би можела битно да влијае на мирот и стабилноста во регионот.  Истовремено, подвлече дека резултат на сегашниот застој се спорото реформско темпо и подемот на евро-скептицизмот во сите држави од Западниот Балкан”, се наведува во соопштението.

Покрај ова, во своето обраќање, Пендаровски ја истакнал и важноста на односите меѓу ЕУ и САД, кога се зборува за мирот и стабилноста на Западен Балкан, констатирајќи дека секогаш кога односот помеѓу ЕУ и САД бил добар и силен, тогаш се гледале придобивките за регионот, Европа и евроатлантскиот регион во целина. 

„Иднината на Западниот Балкан е во ЕУ и Унијата треба да ја држи вратата отворна не само заради потребата од сериозни резултати во делот на европските критериуми за демократија, владеење на правото, борбата против корупцијата, туку и заради можноста од користење на евентуалниот вакум од страна на надворешни фактори, кои промовориаат геополитички концепти, кои не се базирани на општите европски вредности”, заклучил Пендаровски.

 

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе