Конференција во Берлин

Пендаровски: И граѓаните во земјите од Западен Балкан заслужуваат да бидат дел од Европската унија

Претседателот Стево Пендаровски денеска, во рамки на еднодневната работна посета на Германија, учествуваше на конференцијата „Балкански дијалози“ и говореше на тема „Проширување на ЕУ – неисполнето ветување – што сега?“. Навраќајќи се на октомвриската одлука на ЕУ да не ѝ даде датум за преговори на Македонија, Пендаровски нагласи дека Унијата не смее да ги изостави земјите од Западен Балкан бидејќи и граѓаните на тие држави заслужуваат подобри услови и повисок животен стандард.

„Би сакал да потсетам дека од шест земји во регионот, Црна Гора и Србија веќе со години, односно предолго преговараат, две земји односно Северна Македонија и Албанија, со години наназад чекаат да добијат датум за почеток на преговорите, а останатите две, Босна и Херцеговина и Косово, воопшто никој не ги споменува“, рече претседателот Пендаровски.

Според него, граѓаните на овие земји полека почнуваат да губат надеж дека ќе ги почувствуваме придобивките и вредностите од членството во Унијата, односно се сомневаат дека регионот на Западен Балкан ќе биде во иста ситуација како што е Турција.

На конференцијата „Балкански дијалози“Пендаровски го повтори ставот дека „Република Северна Македонија не е против нова методологија за проширувањето на ЕУ, ниту пак е против реверзибилност на процесот ако одредена земја значително назадува при процесот на преговори со Унијата“.

„Европската Унија не ѝ е потребна на нашата земја само поради пристапот кон заедничкиот пазар, туку пред сѐ, заради политичките и демократски вредности кои ги има и кои се практикуваат во земјите членки на ЕУ. Истите вредности, за жал, сѐ уште не се на задоволително ниво, ниту во Северна Македонија, ниту пак во останатите земји од регионот на Западен Балкан“, рекол Пендаровски.

Во однос на преговорите меѓу Србија и Косово тој кажал дека очекува ова прашање да се затвори со активно инволвирање на нашите западни пријатели, односно САД и ЕУ.

 

 

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе

Десензитивизацијата на Американците кон вртоглаво зголемениот број на жртви во пандемијата ја оправдува познатата опсервација на Јосеф Сталин: „Една смрт е трагедија; еден милион е статистика “. 

повеќе

Практичната имплементација на владината стратегија „едно општество за сите“, која на хартија има добри намери, е засенета од неуспешната борба против корупцијата и организираниот криминал.

повеќе