Пендаровски-Галовеј: Северна Македонија модел за успешна трансформација во регионот

Северна Македонија во изминатиов период вложи огромен труд и напори во исполнувањето на интеграциските процеси и денес претставува модел за успешна трансформација за сите држави од регионот, оценија денеска претседателот Стево Пендаровски и британската амбасадорка Рејчел Галовеј.

На средбата, како што соопшти Кабинетот на претседателот, биле разменети мислења за билатералните односи меѓу двете држави, како и за актуелните случувања и предизвици во регионот. Двајцата соговорници изразиле задоволство од развојот на севкупните односи меѓу двете држави, кои ги карактеризира взаемно пријателство, меѓусебна доверба и цврсто партнерство. 

На средбата било констатирано дека Обединетото Кралство е наш долгогодишен партнер и поддржувач на реформите во одбранбениот и безбедносниот сектор, како и во областа на правосудството, јавната администрација и транспарентноста на јавните институции.

Пендаровски изразил увереност дека Обединетото Кралство, како цврст партнер и пријател на Северна Македонија, ќе продолжи со конкретната поддршка и помош во остварувањето на нашите стратешки приоритети. Притоа тој изразил очекување долгогодишното партнерство во рамките на НАТО да биде заокружено со нашето членство во Алијансата, на состанокот на лидерите, којшто ќе се одржи во Лондон, во декември 2019 година.

 

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе