За РТ Црна Гора

Пендаровски: Европската перспектива е замаглена, а патот кон ЕУ бавен и неизвесен

Претседателот на Северна Македонија, Стево Пендаровски изјави дека не е задоволен од брзината со која се движат земјите од Западен Балкан кон европското семејство и смета дека Европа мора да биде поодлучна по тоа прашање.

Во интервју за Радио телевизија Црна Гора Пендаровски вели дека иако европската перспектива е единствена алтерантива, одржлива и продуктивна за целиот регион, го загрижува тоа што таа е замаглена во последно време, а патот кон европското семејство е бавен и неизвесен.

„Се надевам дека тоа ќе оди побрзо. Каква порака е тоа за нас, кои сѐ уште не сме почнале со преговарање. Ако вие преговарате седум години и сѐ уште нема светло на крајот од тунелот, тогаш што да им кажам на моите граѓани во Северна Македонија, колку ќе трае ова, 15-20 години?“, изјавил Пендаровски.

Во врска со одложувањето на одлуката за почеток на преговори со ЕУ, тој потсетува дека „сѐ што побараа од нас, сѐ исполнивме, вклучувајќи ги и тешките компромиси“.

„Сега е ред на Европа да го исполни тоа што го вети“, порача Пендаровски.

 

Вчера оправдано доминираше веста дека „Макрон ќе поддржи преговори за Македонија и Албанија ако ЕК препорача во март“.

повеќе

Албанија мора отворено да каже, дека обидите на Софија за асимилација на Македонците во Албанија како Бугари не се добрососедство, туку отворен напад.

повеќе

Перењето пари преку трансакции со недвижнини ги интегрира црните фондови во економијата, притоа обезбедувајќи сигурна инвестиција.

повеќе