Портпаролот на грчката влада

Пецас: Употребата на „ерга омнес“ зависи од волјата на „другите“

Ние секогаш сме за европската перспектива на сите земји од Западен Балкан. И во нивен и во наш интерес е да имаат европска перспектива и постепено да се упатуваат кон членство во Европската унија, изјави портпаролот на грчката Влада, Стелиос Пецас на денешниот редовен брифинг со новинарите.

Како што јавува МИА од Атина, одговарајќи на новинарско прашање дали по ветото од Франција е доведена во опасност „ерга омнес“ употребата на името на нашата земја, Пецас рече дека „тоа зависи од волјата на другите“ и додаде дека тоа е уште еден аспект на Договорот од Преспа што укажува на нивниот став дека станува збор за „штетен договор“.

„Придржувањето кон овој Договор и тоа за клучно прашање, како што е почитувањето на принципот ‘ерга омнес‘, зависи од волјата на другите. Сфаќате дека овој аспект е уште еден аспект што укажува зошто ние велевме дека овој договор е штетен договор. И ова е уште едно прашање кое ќе треба да го види секој оној кој со критичко расположение го гледа Договорот од Преспа и да ја разбере нашата политика кога велиме дека сакаме да подобриме некои аспекти од договорот. За ова, ќе сториме сѐ, секако, поддржувајќи ја европската перспектива на сите земји од Западен Балкан“, рече Пецас.

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе