Османи во посета на Обединети Арапски Емирати, ќе разговара за интензивирање на соработката

Министерот за надворешни работи Бујар Османи од денеска е во дводневна официјална посета на Обединетите Арапски Емирати на покана на неговиот домаќин, министерот за надворешни работи и меѓународна соработка, Шеик Абдула бин Зајед Ал Нахјан.

Како што соопшти МНР, на првиот ден на посетата во Дубаи, Османи ќе има средба со државната министерка за меѓународна соработка Реим бинт Ебрахим Ал Хашеми, која е одговорна за меѓународна, развојна и техничка помош и главен управен директор на „Дубаи Експо“, како и со министерот за надворешна трговија Тани Ахмед Ал Зејуди.

Утре, на вториот ден од посетата Османи во Абу Даби, ќе се сретне со неговиот колега, Шеик Абдула бин Зајед Ал Нахјан, со кого се очекува да разговара за теми поврзани со билатералните односи и можностите за интензивирање на соработката во областите од заеднички интерес.

Во рамки на посетата, предвидено е министерот Османи да се сретне и со министерот за толеранција и соживот Шеик Нахјан Мубарак Ал Нахјан, државниот министер за економска диверзификација и економска дипломатија, Ахмед Али Ал Сајег и со извршниот директор на Меѓународниот центар за спротивставување на насилниот екстремизам и радикализам Хедаја, Ахмед Ал Касими.

Османи, исто така, ќе учествува на свеченото отворање на Меѓународната изложба и конференција во областа на одбраната за регионот на Блискиот Исток и Северна Африка – ИДЕКС 2021 во Абу Даби, на која ќе учествуваат над 100 земји и корпорации, а оваа година прв пат  и Македонија и Израел.

За време на посетата, се предвидува потпишување на неколку билатерални документи со кои ќе се дополни нормативно-правната рамка меѓу Северна Македонија и Обединетите Арапски Емирати, а Османи ќе го посети и Павилјонот на Северна Македонија на „ЕКСПО 2020 Дубаи“, кој ќе се отвори во октомври оваа година.

Ова е прва официјална посета на министер за надворешни работи на земјава на ОАЕ по воспоставувањето на дипломатските односи.

Паузата во борбата против коронавирусот, бизнисот ја користи за свое преструктуирање и за непосредни контакти со компаниите кои беа запоставени во изминатиот период.

повеќе

Страшно е да се помисли дека постојат луѓе што со години се распрашуваат, го истражуваат, и го следат животот на граѓаните преку социјалните мрежи и интернетот.

повеќе

Во Македонија моментално има стотици активни стечајни постапки, некои од нив се водат повеќе од 10, па дури 20 години.

повеќе