Османи-Стјуарт: Постои можност за олеснување на визниот режим меѓу Македонија и Австралија

Вицепремиерот задолжен за европски прашања Бујар Османи денеска се сретна со амбасадорката на Австралија за Северна Македонија Рут Стјуарт, на која било разговарано за европските интеграции на земјава и статусот на спроведените реформи, како и за потенцијалите за соработка помеѓу Северна Македонија и Австралија во повеќе сегменти.

Османи, како што информираат од неговиот кабинет, на средбата истакнал дека Северна Македонија е новата реалност на Балканот, односно земја која од длабока политичка криза стана лидер во регионот во спроведување на реформи за европска интеграција и земја која ги има затворено поголемите билатерални прашања со соседите.

Посочил дека создадениот т.н. „трак- рекорд“, односно видливи резултати од спроведените реформи се доказ за сработеното во рамки на евроинтегративниот процес.

„Во овој период, кога евроатлантската интеграција на земјава е веќе извесна, Северна Македонија станува земја која е и политички и економски стабилна за странските инвеститори, а дополнително на тоа нуди конкурентска предност за привлекување на инвеститорите, со оглед на тоа што земјава располага со квалификуван кадар“, изјавил Османи.

Османи и Стјуарт, се вели во соопштението, на средбата изразиле согласност дека билатералната соработка меѓу Северна Македонија и Австралија има потенцијал да се прошири и продлабочи во повеќе сфери, при што биле акцентирани можностите за користење на австралиската билатерална развојна помош.

Тема на разговор било и интензивирањето на трговската размена, за која соговорниците се согласиле дека е на многу ниско ниво од само 9,7 милиони американски долари, и покрај зголемениот извоз на производи од земјава за 28 проценти.

На крајот, се вели во соопштението, било истакнато дека постои можност и за олеснување на визниот режим, што би било од големо значење за двете земји, како поради бројната македонска дијаспора во Австралија, така и во насока на подобрување на целокупната соработка помеѓу двете земји.

 

Плаќањето на вработените на час наместо месечно помага да се зголеми нивната плата со тоа што ќе се вреднува работното време поефикасно.

повеќе

Нема пазар доколку нема информации. Дајте ги информациите за пазарот на грозје.

повеќе