За идеите да се одвојат Скопје и Тирана на евроинтегративниот пат

Со Албанија на патот кон ЕУ сме посилни, не сум поборник на одвојување, вели Османи

„Одвојувањето на Северна Македонија и Албанија не зависи од нас, тоа e одлука на ЕУ. Процесот формално се заснова на индивидуални заслуги. Меѓутоа, отсекогаш била проценката дека се добива синергија, сила повеќе, доколку двете земји продолжуваат заедно“, изјави денеска министерот за надворешни работи Бујар Османи. Тој нагласи дека никогаш не бил поборник на одвојувањето, бидејќи, како што рече, овие процеси се циклични, како што тоа било пред само две - три години, и може да сменат во обратна насока

„Се сеќавате дека во 2019 година беше обратна ситуацијата. Дали Северна Македонија треба да продолжи, а Албанија заостана затоа што ги немаше тогаш исполнето условите. Имаше и меѓу нас такви коишто лобираа Северна Македонија да се одвои. Отсекогаш предвидував дека овие процеси се циклични и може да се сменат во обратна насока“, изјави Османи, одговарајќи на новинарско прашање на заедничката прес-конферениција со генералната секретарка на ОБСЕ, Хелга Шмид.

Тој оцени дека е важно е и дека ќе ѝ даде поттик на целокупната регионална интеграција, доколку Албанија и Македонија се држат заедно и ги започнат преговорите заедно при крајот на годината, во текот на словенечкото претседателство., Потоа, како што рече, секој ќе се движи со својата среќа и брзина што ќе ја наметне.

„Мислам дека почетокот е важен затоа што Комисијата потврдува дека двете држави ги исполнуваат условите. И навистина би било лоша порака ако поради прашања коишто не се поврзани со ЕУ, едната држава не продолжи. Мислам дека тоа ќе создаде значителен удар на кредибилитетот на европските интеграции во државата и во регионот“, рече Османи.

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе