Османи порача дебатата за преговорите за името да не се води преку медиумите

Вицепремиерот за европски прашања Бујар Османи порача дебатата за решавање на прашањето за името да не се води преку медиумите и додаде дека има придвижување во процесот. 

„Клучно за успехот на овој процес е дебатата да не се одвива преку медиуми. Ова се однесува и за пријателите од грчката страна и за нашите претставници. На ниту еден начин нема да му помогне на процесот преку дебата во медиумите. Затоа треба да ја држиме оваа дебата во рамки на преговарачките тимови, а во моментот кога ќе имаме начелно некоја согласност, тогаш можеме да излеземе во јавноста и да побараме мислење од граѓаните и од другите општествени слоеви“, изјави Османи пред отворањето на Националната трилатерална конференција „Евроинтеграцијата на Македонија и иднината на Европската унија“.

Османи потврди дека од седум точки во преговорите, три се полесни, а четири се потешки, меѓутоа, додаде, ако сега почнуваме да лицитираме, дебатираме и да испраќаме пораки, тоа е моделот за неуспех.

„Не велам дека во еден момент нема да излеземе со сите опции, но процесот сѐ уште не е зрел за да можеме да го изложиме во јавноста. Тие што се обидуваат сега да наметнат различни теми за ова прашање што не се суштествени, се обидуваат да му одмогнат на процесот, а верувајте дека има сили кои не сакаат Македонија да го затвори прашањето и да успее“, рече Османи.

На денешната конференција тој пред невладините организации ја презентираше Стратегијата на Европската Комисија за проширување со земјите од Западниот Балкан до 2025 година рече дека граѓанскиот сектор претставува нераскинлив дел од изградбата на демократско општество. 

Сѐ додека Македонија ја претставуваат „политички најподобните" ќе тонеме длабоко и уште повеќе ќе се раслојуваме.

повеќе

По определувањето на мерката ефективен притвор, притворениот раководен функционер не може да издава полноважни правни акти, меѓу другото, и поради фактот што го нема службениот печат.

повеќе

Вината за недобивањето на датум за преговори треба да ја барате во вас и вашите соработници и коалициски партнери.

повеќе