Османи: Очекуваме безусловна и чиста препорака од Европската комисија за почеток на преговори

Македонија очекува валоризирање на реформските напори и чиста и безусловна препорака од Европската комисија до Советот на ЕУ за почеток на преговорите, изјавил вицепремиерот за евроинтеграции Бујар Османи на средбите со  генералниот директор на Директоратот за европска и соседска политика и преговори за проширување ДГНЕАР, Кристијан Даниелсон и на брифингот со претставниците на Директоратот за напредокот на Македонија, во пресрет на претстојниот Извештај на Европската комисија за состојбите и напредокот на Република Македонија.

На средбата во Брисел Османи додадал дека во претстојниот период, пред априлскиот извештај на Европската комисија, Владата е целосно фокусирана на  реформите, како и отстранувањето на сите останати политички пречки на евроинтегративниот пат на земјава.

Тој, како што соопшти СЕП, кажал дека очекува извештаите на Европската комисија да обезбедат јасна и прецизна проценка за севкупната подготвеност и напредокот не само на Македонија, туку и на сите земји од регионот, имајќи предвид дека европските интеграции на земјите од Западниот Балкан претставуваат европски предизвик, кој е во интерес на постабилна, побезбедна и обединета Европа.

На средбите била презентирана содржината на работна верзија на Извештајот за состојбите и напредокот во Република Македонија, при што биле разменети аргументи околу состојбата и напредокот на земјава. Османи брифирал за состојбата со имплементацијата на Планот 3-6-9, како и за предизвиците со кои Владата се соочува при реализацијата на обврските и отстранувањето на политичките пречки за напредок во евроинтегративните процеси.

 

 

Република Македонија треба да понуди законска можност за реализација на правото на приватен и семеен живот за истополовите партнери.

повеќе

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе