ДУИ не го менува ставот

Османи: Намалувањето на платите на јавната администрација не треба да биде прва мерка

ДУИ останува на ставот дека намалувањето на платите на јавната администрација не треба да биде една од мерките во пакетот што за штедење што го подготвува Владата, изјави денеска на прес-конференција вицепремиерот за европски прашања, Бујар Османи.

„Партиите не треба да лицитираат со предлози, бидејќи најголемите сме дел од Владата и можеме таму да ги предложиме сите мерки. Очигледно кризата ќе предизвика сериозни социо-економски последиици, а намалените економски текови ќе предизвикаат дополнително намалување на сретствата во буџетот. Затоа е формиран економски тим кој се состанува на дневна основа и тим на експерти кои припаѓаат на различни политички спектри, за да им се даде кредибилитет на мерките на Владата.

Нашите предлози ќе ги доставиме во Влада и за нив нема да дебатираме во јавност. Наредните денови ќе се договориме за рестриктивните мерки за кои Економскиот совет потоа треба да даде финално мислење. Што се однесува до намалувањето на платите на јавната администрација ние сметаме дека тоа не треба да биде прва мерка, туку да се разгледаат други варијанти за справување со ситуацијата за да не се трауматизираат дополнително граѓаните, кои и онака тешко се справуваат со оваа ситуација, рече Османи.

 

 

Мислам дека Европа нема ни да дозволи полемика за македонскиот јазик затоа што тоа е строго научна работа. Освен нашите политичари-шупелки, никој друг не би посегнал по таа светост.

повеќе

Сега младите сакаат што е можно побрзо да ја напуштат својата земја. Тие веќе не се чувствуваат застапени и го изгубија чувството на припадност.

повеќе

Во либералните демократии веќе со години се продлабочува политичката поларизација, се намалува довербата во владеењето на правото и, институционално гледано, состојбата општо се распаѓа.

повеќе