Османи и Ле Дриан разговараа за европското досие на Македонија

Европското досие на Северна Македонија, во светло на актуелното француско претседателство со Советот на Европската Унија и во таа насока за потенцијалите на ова претседателство за напредок во нашите европски интеграции беше фокусот на телефнскиот разговор меѓу министерот за надворешни работи Бујар Османи и францускиот министер за Европа и надворешни работи, Жан-Ив Ле Дриан.

Како што соопшти МНР, Османи и Ле Дриан разговарале и за текот на политичкиот дијалог со Бугарија и за состојбите во Украина и како истите се рефлектираат на земјите од Западен Балкан, врз стабилноста и безбедноста на регионот и Европа во целост.

Османи му честитал на својот француски колега, Ле Дриан за лидерството на француското претседателство со Унијата во овие тешки времиња, при што нагласил дека обединетоста на ЕУ го охрабри целиот демократски свет, а особено земјите во регионот. За време на телефонскиот разговор биле добиени јасни и недвосмислени пораки за поддршка од страна на Франција, односно пораки за нашата подготвеност за почеток на преговорите, како и за улогата на Франција во овој процес.

„За време на разговорот Османи го информираше Ле Дриан дека Северна Македонија постигна 100% усогласеност со Заедничката надворешна и безбедносна политика и во тој контекст потенцираше дека европската перспектива на земјата и регионот е суштински придонес за одржлива регионална и европска стабилност“, се додава во соопштението од МНР.

 

Па како што велеле НЕ моите омилени македонски преродбеници од 19 век, и јас ќе кажам НЕ на овој предлог.

повеќе

Се докажува дека ЕУ интеграцијата е дијалектички процес, кој е подложен на динамика и на противтежни сили, процес кој нема да се одвива стабилно, автоматски и линеарно.

повеќе

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе