Апел

ОМО Илинден – Пирин од ЕУ бара официјално да го отвори проблемот со македонското малцинство во Бугарија

Нашите деца не можат да го учат својот јазик, историја и култура во училиштата, но се принудени да научат дека нивниот народ не постои и да слушаат во медиумите дека нивните родители, кои се идентификуваат себе си како Македонци, се неписмени, неинтелигентни, заблудени, агенти на странци земји и предавници, се вели во обраќањето на ОМО Илинден-Пирин до институциите и државите членки на Европската Унија во врска со дискриминацијата на која е подложено македонското малцинство во Бугарија и блокирањето од страна на Република Бугарија на членството на Македонија во ЕУ.

Ова обраќање беше усвоено на 10-та национална конференција на ОМО Илинден – Пирин.

„Македонското малцинство, во минатото беше официјално признато во Република Бугарија и имаше право да го изучува македонскиот јазик и историја, имаше свои театри и организации. Но, по 1963 година, тоа беше прогласено за непостоечко и подложено на асимилација како дел од процесот на создавање на „единствена бугарска социјалистичка нација“, а Македонците беа изложени на организиран и систематски прогон, при што илјадници луѓе беа затворени, а стотици илјади отстранети на други начини.

Македонското малцинство продолжува да биде негирано до денес во Бугарија и Македонците немаат ниту едно од правата предвидени со Рамковната конвенција за заштита на националните малцинства; тие се предмет на систематски говор на омраза, се третираат како непријатели на нацијата и предавници, без можност да имаат свои организации или да учествуваат во јавниот живот како Македонци. Нашите деца не можат да го учат својот јазик, историја и култура во училиштата, но се принудени да научат дека нивниот народ не постои и да слушаат во медиумите дека нивните родители, кои се идентификуваат себеси како Македонци, се неписмени, неинтелигентни, заблудени, агенти на странци земји и предавници. Оваа политика на административен начин го десеткуваше македонското малцинство, од 187.000 (според пописот во 1956 година), на само 5.071 (според пописот од 2001 година). Двата пописи лажно го потценуваат (во вториот случај драстично) вистинскиот број на Македонци во Бугарија.

Да се биде Македонец во Бугарија стана нешто срамно и опасно. Република Бугарија е осудувана 14 пати од Судот за човекови права во Стразбур за дискриминација на Македонците и македонските случаи претставуваат ¼ од неизвршените одлуки на овој суд од страна на Република Бугарија, и поради тоа земјата се наоѓа под интензивен мониторинг во комитетот на министри.

За жал, и покрај нашите апели, ЕУ не сакаше да се замеша во заштитата на овој дел од нејзините граѓани - Македонците во Бугарија. Ова беше разбрано во Бугарија како давање зелено светло не само да се продолжи со полна сила дискриминацијата и асимилацијата, туку и како можност да се претвори етничката дискриминација во европска политика и услов за влез во ЕУ. Република Бугарија го блокира членството на Македонија и поставува услови кои се понижувачки за македонската нација и се подигрување со европските и човечките вредности - за да станат членки на ЕУ, Македонците мора да се откажат од својот јазик, историја, култура и солидарност со своите сонародници, подложени на дискриминација и асимилација во Бугарија.

Дејствата на Бугарија се пример за тоа како одбивањето на Европа да се справи со болното прашање на дискриминација на малцинствата не само што не ги избегнува и заобиколува проблемите, туку ги ескалира на национално, меѓународно и највисоко европско ниво.

Вистинскиот мотив за блокирање на македонската кандидатура и за апсурдните барања кон Македонија е македонското малцинство во Бугарија. Бугарија сака да осигури дека никој никогаш нема да ја спречи во намерата да го елиминира македонското малцинство, кое што таа не сака да постои.

Националистичката нетолеранција на малцинствата во Бугарија достигнува застрашувачки нивоа. Дали ќе дозволи Европската унија да биде понижена на овој начин?

Или, пак, ќе преземе чекори за заштита на достоинството на своите граѓани и на самата себе со ставање крај на оваа последна тоталитарна политика во нејзините граници?

Бугарската политика ја дестабилизира безбедноста на Балканот и ја отвора вратата за инвазија на непријателски и конкурентни сили и идеологии во Европа. Европа повеќе не смее да дозволува да продолжи дискриминацијата и асимилацијата на македонското малцинство. Не треба да дозволи членството во ЕУ да се користи за наметнување фашизоидни политики и услови на кандидатите-членки.

Ние секогаш ја поддржувавме европската интеграција на регионот, но тоа мора да се направи на принципиелна основа, со почитување на националното достоинство и идентитет, на рамноправност меѓу сите земји, со почитување на човековите права и почитување на малцинствата, кои мора да бидат мост кон единство, а не причина за спротивставување. Европа мора да го наметне својот принцип обединет во разновидноста на Балканот, наместо да дозволи ретроградни тоталитарни идеологии да наметнуваат во ЕУ „вредности“ и политики спротивни на Унијата и нејзините вредности, на законот и моралот.

Во име на македонското малцинство, ја повикуваме Европската унија:

- официјално да ѝ го постави пред Бугарија проблемот со македонското малцинство,

- да го вклучи прашањето за малцинствата и конкретно македонското во европскиот мониторинг на Република Бугарија,

- да инсистира Бугарија да ја примени Рамковната конвенција за сите малцинства, вклучително и за македонското,

- да започне да прифаќа и разгледува случаи на дискриминација и говор на омраза против Македонците,

- да инсистира Бугарија да ги исполнува без пречки пресудите на ЕСПЧ,

- да најде начин да ја убеди Бугарија да го укине ветото, да престане да ја злоупотребува својата позиција како членка на ЕУ и да не наметнува повеќе непринципиелни услови на кој било кандидат“, се вели во амелот на Македонците од Бугарија до ЕУ.

 

Tреба да ја прифатиме технологијата, наместо да се плашиме од неа, а и игрите се дел од тој процес. 

повеќе

Moжно ли е стотици кандидати за градоначалници три недели да ветуваат, а никој да не каже од каде средства за таа намена т.е. никој да не го спомене зборот децентрализација кој претставува клуч за било какво ветување?

повеќе

Капиталното дело на Танас Вражиновски „Македонска народна митологија“, упатува на потребата нашата наука постојано да се враќа на извориштата на македонската култура и писменост, создавани од светите браќа Кирил и Методиј и од нивните ученици и следбеници, светите Климент и Наум Охридски. 

повеќе