Протестно писмо до Стејт департментот

ОМД: Ескобар да се извини за „северномакедонци“, тоа е навредливо за македонскиот народ

Обединетата Македонска Дијаспора (ОМД) во петокот испрати протестно писмо до американскиот Стејт департмент со реакција околу употребата на „северномакедонците” од страна на заменикот државен секретар задолжен за Балканот, Габриел Ескобар и побара јавно извинување кон македонскиот народ.

Ескобар на прес-конференција минатата недела изјави дека „северномакедонците се Европејци” без да се самокоригира или некој од новинарите да се побуни за време на прес конференцијата.

„Ескобар е скоро две години на функција и имал ред состаноци со македонски соговорници, вклучувајќи го Стратешкиот дијалог на 2 јуни 2022 година, и сме зачудени дека таква ‘грешка‘ би направил.

По потпишување на неуставниот Преспански договор во 2018 година, сѐ почесто меѓународната заедница го користи зборот ‘северномакедонци‘ што е спротивно на самиот договор, а и навредувачки кон македонскиот народ кој е во мнозинство против Преспанскиот договор“, велат од ОМД.

Според Организацијата на Македонците, користењето на зборот „северномакедонци“ ја продолжува долгогодишната дискриминација кон македонскиот народ и ги згрозува нашите човекови права внатре и надвор од државата.

ОМД, како што додаваат оттаму, секојдневно се соочува со вакви примери и како и досега, и понатаму секогаш ќе ги коригира ваквите изјави на официјални лица или написи на медиуми кои погрешно ќе адресираат до македонската нација и држава.

 

 

Постои нужна потреба од прилагодување на студиските програми, соодветните силабуси и наставниот курикулум на реалната потреба на пазарот на труд во државата.

повеќе

Во текот на оваа и претходната година, инфлацијата ја задуши македонската економија. 

повеќе

Одлучната изборна победа на италијанската десница овозможува нејзиниот лидер да биде првата жена премиер во Италија и прва која тврди дека недвосмислено има постфашистичко потекло.

повеќе