Официјална Тирана го поздрави изгласувањето на уставните измени

Официјална Тирана го поздрави усвојувањето на уставните измени изгласани од Собранието, со кои, како што се оценува, се официјализира името Република Северна Македонија.

Министерот за Европа и надворешни работи, Дитмир Бушати на Твитер напиша дека со финалното изгласување на Спогодбата од Преспа, на земјата и се отвора патот кон членството во ЕУ и во НАТО.

Според него, придонесот на албанските политички партии во Македонија уште еднаш се покажал како одлучувачки фактор.

„Конечното гласање на Преспанскиот договор во Парламентот на Македонија претставува јасна потврда на политичката способност за деблокирање на патот кон НАТО и ЕУ. Придонесот на албанскиот политички фактор повторно се покажа како одлучувачки фактор. Честитки!“, напиша Бушати.

Албанските медиуми, без исклучок, експресно ја пренесоа веста за изгласувањето на уставните измени, нагласувајќи дека Република Македонија го менува името во Република Северна Македонија. Посебно го потенцираат придонесот на пратениците од политичките партии на Албанците, кои повторно се потврдиле како одлучувачки фактор за стаблноста на земјата.

Деновиве Владата донесе одлука за формирање на ново министерство. А и така, по глава на жител, верувам, рекордери сме по министерства и министри. Оттука, размислував зошто да не предложам да се формира уште едно – за „спречување автоголови".

повеќе

Денес, кандидати за политички функции се луѓето. Утре, тоа ќе го прават интелигентни машини. И, тие може и ќе победуваат, како што расте незадоволството на граѓаните од човечките политичари.

повеќе

Еден од начините на промовирање подобри меѓуетнички односи помеѓу децата е овозможување подолготраен контакт помеѓу нив што ќе овозможи создавање значајни индивидуални врски помеѓу децата.

повеќе