Владина делегација кај Мостар

Одбележани 15 години од смртта на Борис Трајковски кај Ротимље

Со положување венци пред спомен обележјето  кај Мостар денеска е одбележана 15-годишнината од смртта на претседателот Борис Трајковски, кој заедно со своите соработници и челновите на екипажот загинаа во авионска несреќа при доаѓањето на Меѓународната инвестициска конфренција 2004 година, jaви агенцијата  ФЕНА.

Венци положија делегации на Владата на Република Северна Македонија, Председателството на БиХ, Кабинетот на претседателот на Република Северна Македонија, Собранието на БиХ, Министерството за надворешни работи на БиХ, амбасадата на Република Северна Македонија и Бих, владите на Хецеговачко-неретванската жупанија, Градот Мостар и Здружението на Македонци во БиХ, се вели во владиното соопштение.

Во име на Владата на Македонија се обрати министерот за локална самоуправа Сухејл Фазлиу кој истакна дека Трајковски остави голем печат во македонската историја.

„Трајковски беше човек од кој младите политичари можат многу да научат. Тој беше храбар и одлучен човек кој знаеше како во тешки моменти да донесе одлуки што можеа да го чинат политички поени, но одлуки што беа добри и во интерес на сите граѓани на Република Северна Македонија“, истакна Фазлиу.

Запрашан да ги искоментира двете истраги што во БиХ беа спроведени за авионската несреќа и одредените сомнежи во Македонија за околностите на загинување на претседателот Трајковски, министерот Фазлиу истакна дека сомнежот постои поради тоа што Македонија имаше претседател кој знаеше да донесе храбри одлуки и дека сите знаат дека таквите политичари тие одлуки „неретко ги плаќаат со својот живот“.

„Има сомнеж кај македонскиот народ дека врз претседателот Трајковски е извршен атентат, но без докази тоа никој не може да го потврди“, рече Фазлиу.

Авионот на Владата на Република Северна Македонија се урна на 26 февруари 2004 година на подрачјето на селото Ротмиње. Покрај Трајковски во него загинаа советниците од неговиот кабинет Димка Илкова Бошковиќ, Ристо Блажевски и Анита Лозановска, Миле Крстевски од Министерството за надворешни работи, членови на обезбедувањето Ворис Велинов и Аце Велиновски и пилотите Марко Марковски и Бранко Ивановски.

Рециклирањето можеби ни се чини како спас за природата, но најчесто е спасение само за нашата (валкана) совест.

повеќе

Културата на победништво од нашите епски и херојски денови тотално ги уназади овие општества во 20 век, вели Миљенко Јерговиќ во интервју за Бука.

повеќе

Запрашајте се, о, вие, бездарници анационални што направивте!

повеќе