Собрание

Новиот пратенички состав со помалку жени од претходниот, најмладата е 23-годишна, највозрасните се на 72 години

23-годишната студентка Артина Ќазими од гостиварски Добри Дол, кандидатка на Алијанса за Албанците и Алтернатива е најмладата пратеничка во новиот собраниски состав и една од 43-те жени кои добија мандати на парламентарните избори. Иако партиите најавуваа родово порамноправен законодавен дом, овој пратенички состав има две жени помалку од претходниот состав и има 36 отсто женски пратеници.

Овие 36 отсто се на границата на законското ограничување според кое, на кандидатските листи мора да има една третина жени.

Што се однесува до возраста на пратениците, дури 16 од новите народни избраници се на возраст од 23 до 35 години. По Ќазими, најмладите се Бојан Стојаноски (28) од ВМРО-ДПМНЕ и Коалицијата, Моника Зајкова (29) од Коалицијата „Можеме“, предводена од СДСМ и Јован Јаулески (29) од ВМРО-ДПМНЕ и Коалицијата.

Највозрасни пратеници се 72-годишните Стојан Миланов (ВМРО-ДПМНЕ и Коалицијата) и Илија Николовски (Коалиција „Можеме" предводена од СДСМ).

Инаку, просечната возраст на овој пратенички состав е 45 години.

Од стариот состав во новиот продолжуваат 28 пратеници, а тројца од нив, Али Ахмети, Мендух Тачи и Иван Стоилковиќ ќе го почнат нивниот седми пратенички мандат.

Но, овој пратенички состав во кој има 77 пратеници и 43 пратенички сигурно ќе претрпи измени бидејќи дел од пратениците сигурно ќе добијат функции во извршната власт, па на нивно место доаѓаат наредните кандидати од партиските листи.

 

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе

Јас, Ангела Илиевска , учесник во повеќе протестни движења низ годините наназад, со себе го носам товарот на мојата личност и идеалите кои ги застапувам низ сите тие движења.

повеќе

Германија не го негира своетo фашистичко минато, ниту дека ја окупирала Франција, па следствено, не се ни менувани ни учебниците во обете земји, ниту се бришани делови од споменични натписи.

повеќе