Мала Преспа

Новиот градоначалник на Пустец демантира дека на изборите имало упатство за гласање на бугарски јазик

Во Мала Преспа за време на локалните избори не беа делени упатства за гласање на бугарски и албански јазик, наместо на македонски и албански јазик. Одговорно тврдам дека такво упатство за време на целата кампања на локалните избори што се одржаа на 30 јуни во Мала Преспа не забележавме, изјави новиот градоначалник на општина Пустец Пали Колефски, единствен градоначалник Македонец во Албанија.

„Вистината е дека во Мала Преспа живеат Македонци! Јас сум Македонец“, изјави Колефски.

По трите последователни мандати, Едмонд Темелко повеќе не е градоначалник на Пустец, единствената општина со доминантно македонско население во Албанија.

Пали Колефски го доби потребното мнозинство гласови на неделните локални избори. Новиот градоначалник изјави дека дадената поддршка ќе биде негова обврска кон сите жители на Мала Преспа за нивна посреќна иднина.

„Многу сум благодарен за довербатa што ми ја укажаа жителите на мојата Мала Преспа. Новата функција за мене значи обврска кон сите жители, независно дали го дале или не гласот за мене. Очекувам голема поддршка и од Владата и премиерот Еди Рама, но и од матичната земја Македонија“, изјави Колeфски откако беше прогласен за победник.

Колeфски на локалните избори освои 1.505 или 66,84 отсто од гласовите, односно 646 гласа повеќе од неговиот противкандидат Едмонд Темелко, кој на чело на општината беше три мандати.

Јавното здравје и економијата одат заедно и во време на пандемија, па затоа најдобриот начин да ѝ се помогне на економијата во оваа криза е ако се воведат адекватни рестрикции за пандемијата да се стави под контрола.

повеќе

Стопанската комора на Македонија со донесувањето на 4-тиот сет на мерки гледа остварување на ветеното дека Владата на РСМ и во услови на здравствено- економска криза ќе стои зад компаниите.

повеќе

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе