По снимките за Мицкоски

Нови наводни снимки на Заев на која тој вели: „Мамето ќе му го е... на Орце Камчев!“

После вчерашните снимки од разговори на лидерот на ВМРО-ДПМНЕ Христијан Мицкоски, денеска порталот Инфомакс објави аудио материјали на  Јутјуб каналот Бошко Буха од неколку разговори наводно на лидерот на СДСМ Зоран Заев.

На првата аудио снимка се слуша како соговорникот дели мислење дека СДСМ ќе изгуби на изборите. Се претпоставува дека разговорите биле водени во декември 2016 година. На втората снимка, пак, се слуша како лицето за кое порталот вели дека е Зоран Заев признава дека прислушуваните аудио-материјали не биле безбедни. Соговорникот тука го прашува зошто не му верувал нему и зошто разговорите му ги дал на Чауш, а овој одговара дека така требало да биде, бидејќи материјалот бил на албански јазик и требало да се преведува со цел да може да се удри и по Али Ахмети.

Разговорите се водат во угостителски објект со анонимен соговорник со наводно лидерот на СДСМ, Зоран Заев. Инфомакс информира дека снимките ги добиле од свиркач.

Од снимките се слуша дека соговорникот вели дека СДСМ ќе изгуби на изборите затоа што народот не ги сака. На ова, лицето за кое се вели дека е Зоран Заев му возвраќа дека размислува како „задоен вмровец“ и му вели: „Ќе видиш што ќе се случи. Граѓанските организации, тоа што е финансирано од Сорос, Студентскиот парламент, сите се мои“.

Во последната снимка, пак, човекот за кој се вели дека е Зоран Заев се заканува дека на бизнисменот Орце Камчев ќе му го „е… мамето мамино“.

Инфомакс информира дека од свиркачот добил повеќе материјали и дека наскоро ќе објават и други снимки.

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе