Локални избори

Ногачески се жали дека негови гласачи во Дебрца биле изложени на притисоци и закани

Независниот кандидат и актуелен градоначалник на Дебрца, Зоран Ногачески, преку својот официјален профил на социјалните мрежи објави дека негови гласачи биле изложени на притисоци и закани во вториот круг да не гласаат за него.

„Ова е таа демократија што ја промовирате секојдневно? За ова се боревме? За ова го потпишавме Кодексот за фер и демократски избори? Џабе Ви е сѐ. Граѓаните на Дебрца не се кршливи и плашливи луѓе“, пишува Ногачески охрабрувајќи ги граѓаните да не подлегнуваат на притисоците, повикувајќи ги да ги пријават обидите за поткуп за кои е предвидена соодветна кривична санкција.

Ногачески, потсетува дека согласно член 162 став 1 и 2 од Кривичниот законик, давањето и примањето поткуп во врска со остварувањето на избирачкото право е кривично дело за кое се изрекува казна од најмалку пет години.

„И немојте да мислите дека ќе Ве заштити некој. Ако сте заборавиле, нема вечна власт, секоја власт е менлива и минлива“, напиша Ногачески и повика „на 31 октомври заедно да ставиме печат на победата за Дебрца“.

Во Општина Дебрца во вторит круг за избор на градоначалник влегуваат Зоран Ногачески, како независен кандидат и Игор Крцоски, кандидат на СДСМ.

Според податоците на ДИК актуелниот градоначалник на Дебрца, сега независен кандидат Зоран Ногачески освоил 1.053 гласови или 36,96 % од вкупите гласови, а кандидатот на СДСМ Игор Крцоски освоил 979 гласа или 34,36% од гласовите. Кандидатот на ВМРО-ДПМНЕ Сашо Силјаноски освоил 734 гласови или 25,76 %.

Ногачески во претходниот мандат беше кандидат на СДСМ, но неговата партија не го кандидира за овие локални избори.

„Влеговме во вториот изборен круг и не само тоа, влеговме како најдобри. Борбата очекувано беше тешка и неизвесна. Навистина не е лесно да се бориш со противкандидати од две силни политички партии и да победиш. Голема благодарност до сите оние кои гласаа за мене, но и почит и кон сите кои се определија за двете други опции“, изјави Ногачески по првиот круг.

Во Дебрца во првиот круг гласале 2.849 гласачи од вкупно 4.350 избирачи.

Ние Македонците од село Гореме, општина Струмјани, го поздравуваме народот покрај Вардар (барем реката сѐ уште е таму) и се „восхитуваме" на дејствувањата на мудрите мажи на државата.

 

повеќе

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе