ВО ИНТЕРВЈУ ЗА „ИБНА“

Нимиц: Во вистинско време ќе дадам нови предлози за решавање на прашањето за името

Односите меѓу Грција и Македонија во последните неколку месеци значително се подобрија и има волја на двете страни за изнаоѓање решение за прашањето за името, кое ќе ја зајакне стабилноста во регионот. Ова е накусо оценката на посредникот во преговорите Метју Нимиц, во интервју за агенцијата ИБНА по средбата со грчкиот министер за надворешни работи, Никос Коѕиас во Њујорк. 

„Се надевам дека можеме да ги забрзаме разговорите подоцна годинава. Двете земји дадоа збор дека се заинтересирани тоа да се направи. Односите се подобрија во последните месеци и очекувам поголема активност“, изјавил Нимиц, според кого локалните избори ќе поминат за неколку недели.

На прашањето дали ќе даде нови предлози, посредникот кусо одговара: „Во вистинско време, да“.  Тој, исто така говори и за црвените линии на двете земји.

„Двете земји имаат свои позиции, може да ги наречете црвени или сини линии. Има многу важни прашања во двете земји, но мислам можат да се приближат“, вели Нимиц.

Посредникот не сака да предвидува што може или не може да направи македонската Влада како гест на добра волја и не сака да коментира хипотетички работи. Но, според него, очигледно е дека двете страни во последните месеци одлучиле да бидат позитивни и да споделуваат позитивна атмосфера и соработка, а иницијативата на грчкиот министер за надворешни работи за мерки за градење доверба, како што вели, е важен чекор во тој правец.

Нимиц не одговара конкретно дали има притисок од меѓународната заедница, но изјавува дека „сите, и САД и ЕУ, се заинтересирани“ прашањето да се реши. А самиот тој долго време чувствувал дека овој проблем требало да се реши пред многу години. Една од причините, како што додава, е обезбедувањето стабилност и пријателство во регионот. 

Дипломатијата е уметност невозможното да го направите возможно (Ш.-М. Талеиран).

повеќе

Односите меѓу Грција и Македонија се на клучна точка, вели Катимерини и со ѕвездички дообјаснува дека употребата на терминот „Македонија“ е на авторот и дека не го одразува ставот на весникот. Сепак се чини ова е првпат грчкиот весник да нè напише со уставното име.

повеќе

И ако граѓаните или Владата очекуваа дека Јункер на Заев ќе му даде покана со датум за влез на Македонија во ЕУ, тогаш живееме во илузии.

повеќе