Го поздрави усвојувањето на уставните измени

Нимиц: Се отвора вратата за нови односи меѓу соседите

Специјалниот пратеник на генералниот секретар на ОН и посредник во грчко-македонските преговори, Метју Нимиц, преку писмено соопштение го поздрави изгласувањето на уставните амандмани во Парламентот, во согласност со Договорот од Преспа и очекува комплетирање на процесот. 

„Ги поздравувам финалните чекори преземени од Парламентот на поранешна југословенска Република Македонија во насока за имплементација на Договорот од Преспа. 

Сакам да му честитам на Парламентот и на граѓаните за ова достигнување и за демократскиот начин на кој е изведен овој важен процес.

Овој историски договор меѓу двата соседи ја отвора вратата за нов однос меѓу нив и за поцврста основа за мир и безбедност на Балканот. 

Очекувам комплетирање на процесот како што е предвидено со Договорот”, пишува во изјавата од Нимиц. 

Тој уште потсетува дека како и досега, Обединетите Нации остануваат посветени на работењето со двете страни за конечно решавање на разликите меѓу нив. 

 

Деновиве Владата донесе одлука за формирање на ново министерство. А и така, по глава на жител, верувам, рекордери сме по министерства и министри. Оттука, размислував зошто да не предложам да се формира уште едно – за „спречување автоголови".

повеќе

Денес, кандидати за политички функции се луѓето. Утре, тоа ќе го прават интелигентни машини. И, тие може и ќе победуваат, како што расте незадоволството на граѓаните од човечките политичари.

повеќе

Еден од начините на промовирање подобри меѓуетнички односи помеѓу децата е овозможување подолготраен контакт помеѓу нив што ќе овозможи создавање значајни индивидуални врски помеѓу децата.

повеќе