Според извештај до кој дошол Блумберг

Никаков датум за преговори да не им се дава на Северна Македонија и Албанија, смета Франција

Макрон се обидува да го забави проширувањето на ЕУ - удар за балканските аспирации.

Франција инсистира дека блокот сè уште не е подготвен да разговара за можноста за прифаќање нови членки, покажуваат документи разменети меѓу дипломатските мисии во Брисел, до кои дошол Блумберг.

Иако повеќето земји-членки го поддржуваат барањето на Македонија и Албанија за почнување преговори за ЕУ, Франција и Холандија сакаат целосен ремонт на процесот на проширување пред да почнат преговорите со двете земји.

Париз сака понатамошните разговори да бидат „постепени, поконкретни во придобивките што им ги носат на засегнатите земји и да бидат реверзибилни според ефективното, опипливо и одржливо спроведување на реформите“, се вели во нацрт-коминикето на министерскиот состанок во Луксембург. Меморандумот на 10 октомври го проследиле француски дипломати до другите влади на ЕУ.

Никаков датум за формални преговори не треба да им се дава на Албанија и Северна Македонија пред ЕУ да го заврши овој ремонт на својата „методологија“, се вели во извештајот.

Поборниците за проширување тврдат дека изгледите за членство во ЕУ ќе помогнат во понатамошното прицврстување на проблематичниот западен регион, додека недавањето датум за почеток на формалните преговори ризикува да ги ослабне реформските сили во Албанија и Северна Македонија.

По инсистирање на Франција, ЕУ во своето јунско коминике во врска со проширувањето рече дека при приемот на нови членки треба да се земе предвид „капацитетот на блокот за нивно интегрирање“.

Амбасадорите на ЕУ в понеделник ќе се потрудат да посредуваат за компромис пред министрите да се состанат во Луксембург во вторник, каде што треба да се донесе одлуката.

Најновиот нацрт на одлуката, со датум на 11 октомври, кој Блумберг го видел, дава зелено светло официјалните преговори за пристапување да почнат во првата половина на следната година, но „никој не е среќен“ со текстот, според еден дипломат запознаен со состојбата, вели Блумберг.

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе

Ако идниот премиер биде македонски Албанец и ако успее сите граѓани на Македонија да се поклонуваат под едно знаме, тогаш – зошто да не!

повеќе

Стана премногу вообичаено да се слушнат повици за брза и сериозна одмазда како одговор на недокажани престапи на говорот и мислата, велат Ноам Чомски, Џ.К. Роулинг и 150 други интелектуалци во отворено писмо до јавноста.

повеќе