На Твитер

Нетанјаху се заблагодари за поддршката на Израел, на списокот е и Македонија

Израелскиот премиер Бенјамин Нетанјаху преку Твитер им се заблагодари на земјите што го поддржаа Израел во последните судири со Палестинците, меѓу кои има и три земји од Западен Балкан.

Фото: ЕПА

„Ви благодарам што цврсто стоите со Израел и го поддржувате нашето право да се браниме од терористички напади“, напиша Нетанјаху на својот официјален профил на Твитер.

Тој ги објави знамињата на земјите за кои вели дека ги поддржуваат израелските напади врз појасот Газа и на Западниот брег, а меѓу 25-те земји, на второ место, веднаш зад знамето на САД, е знамето на Албанија, петто е знамето на Босна и Херцеговина, а 19-то е знамето на Македонија.

Објавата на Нетанјаху предизвика многу реакции, најмногу од индиските корисници, кои му замерија на израелскиот премиер што не ја споменал нивната земја меѓу оние што ги поддржуваат израелските операции.

Реагирајќи на пораката на Нетанјаху, бошњачкиот член на Претседателството на БиХ, Сефик Џаферовиќ, рече дека Босна и Херцеговина не ја поддржува израелската воена акција во појасот Газа.

„Мојата порака до премиерот (Бенјамин) Нетанјаху е дека БиХ не поддржува и не може да поддржува убиства на невини цивили во Газа од страна на израелските воени сили“, рече Џаферовиќ.

Босна и Херцеговина нема официјален став за израелско-палестинските конфликти, вели Н1.

Бошњачките политичари ги осудија нападите врз Палестинците, додека претставниците на Република Српска го поддржуваат официјален Тел Авив.

Легенда под Главна слика

Фото: ЕПА

Како и главниот лик во романот, Доне Совичанов, и Ташко Георгиевски никогаш не потклекна и не побара пусулче од Канцеларијата на нашиот јужен сосед во Скопје за да ја премине границата и да го посети своето родно село во Егејска Македонија.

повеќе

Министерството за финансии во изминатиот период активно работеше на реформа за унапредување на фискалната децентрализација, која нуди сериозно системско решение за стабилни финансии на општините кои ќе значат одговорни општини и испорака на квалитетни и ефикасни услуги за граѓаните. 

повеќе

Либералната империјалистичка доктрина на Америка е одговорна за ужасниот масакр во места како Виетнам, Ирак и Централна Америка. Но Америка, исто така, произведе либерална антиимперијалистичка доктрина што останува затскриена во една ТВ-серија што ја восхитува американската публика уште од 1966 година.

повеќе