Неповредливоста на домот мора да се почитува, но има механизми за проверка, вели Спасовски

Уставните начела и закони ќе се почитуваат и тоа начело за неповредливост на станот или на домот е начело што нема алтернатива и мора да биде почитувано, изјави министерот за внатрешни работи, Оливер Спасовски, одговарајќи на новинарско прашање како полицијата ќе ја спроведува мерката за контрола на домовите и дали ќе ѝ треба на полицијата налог од Суд.

На прашањето дали има механизми за проверки и контроли, Спасовски потврди дека има и додаде дека и сега има такви потреби и врз основа на тоа се прават такви контроли. Тој повика да се почека Владата да ги донесе одлуките и потоа да се одговори на сите дилеми што постојат кај граѓаните

„Не би сакал да разговараме за обликот на тие мерки и што треба да опфатат сега кога не се усвоени на Влада. Ќе ги слушнеме мерките и аргументите на здравствените власти за секоја од мерките и тогаш ќе се донесе одлуката на Владата. Граѓаните треба да знаат дека постапувањето на полицијата ќе биде исклучиво во заштита на уставните начела и на законските норми“, рече Спасовски, кој денеска учествуваше во хуманитарната акција „Месец на хуманост – Гази Баба се грижи“, што ја почна Општина Гази Баба.

Тој уште еднаш повтори дека неповредливоста на домот е уставна категорија и тоа е свето нешто за секој граѓанин и тоа никој не може да го загрози, меѓутоа, со одлуките што ќе бидат донесени, а се во функција на заштита на животот и здравјето на граѓаните, секако дека ќе бидат предвидени и ќе има соодветни механизми на котрола и на нивното спроведување.

„Ова е предлог што го дава Комисијата за заразни болести, а јас не учествувам и немам надлежност да разговарам, ова е од аспект на струката, на тоа што тие го процениле од здравствени аспект. Тие предлози треба да дојдат на Влада, да бидат образложени и врз основа на тоа да биде донесена одлуката, а каква одлука ќе се донесе ќе видиме после седницата на Влада“, изјави тој.

Прашан дали смета дека треба да биде дел од Комисијата за заразни болести, Спасовски одговори дека апсолутно нема потреба ниту тој, ниту кој било од македонската полиција да биде дел од оваа Комисија.

„Што е тоа што ние ќе понудиме. Ние треба да ги чуеме аргументите на здравствените власти. Комисијата за заразни болести и здравствените власти треба да ги оставиме да одлучуваме врз основа на наука. Не треба да бидам член затоа што ниту јас, ниту кој било од МВР не можеме да одговориме на прашања поврзани со здравствениот аспект, а предлозите доаѓаат на Влада и имаме можност да ги кажеме нашите аргументи и за тоа да донесеме одлука“, вели Спасовски.

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе

Јас, Ангела Илиевска , учесник во повеќе протестни движења низ годините наназад, со себе го носам товарот на мојата личност и идеалите кои ги застапувам низ сите тие движења.

повеќе

Германија не го негира своетo фашистичко минато, ниту дека ја окупирала Франција, па следствено, не се ни менувани ни учебниците во обете земји, ниту се бришани делови од споменични натписи.

повеќе