Државен завод за статистика

Непопишаните од утре ќе можат да се попишат на одредени пунктови во својата општина

Граѓаните од утре ќе можат да се попишат на одредени локации во нивните општини, со цел никој да не биде пропуштен во пописот, но и да ја извршат својата граѓанска и законска должност. 

Како што соопшти Јасмина Ѓоргиева од Државниот завод за статистика (ДЗС) на денешната прес-конференција, ова се однесува на оние граѓани кои поради некоја причина не успеале во изминатите 20 дена да остварат контакт со попишувачот, односно попишувачот поминал во нивиниот пописен круг, но не ги нашол во моментот дома, оставил или не оставил порака, едноствано не бил воспоставен контакт.

„Тие граѓани ќе можат да појдат на овие локации во нивните општини и да се попишат. Овие локации, за секоја општина во државата, ќе бидат објавени попладнево на веб-страницата за Пописот https://popis2021.stat.gov.mk/ и за сите подетални информации граѓаните ќе можат да се обратат и на телефоните што се објавени на веб-страницата, во контакт центарот на ДЗС каде ќе ги дадеме сите потребни информации”, изјави Ѓоргиева.

Таа додаде дека влегуваме во последна фаза од пописните активности на терен, кога се привршуваат сите активности што се спроведуваа последните 20 дена, кога попишувачите и нивните реонски инструктори ги посетуваат сите пописни кругови, ги проверуваат и се обидуваат да откријат дали некој е пропуштен.

„Тоа е и целта на пописот. Никој да не биде испуштен, односно да биде офатено целото население кое живее на територија на Република Северна Македонија”, нагласи Ѓоргиева.

Истовремено таа потсети дека пописот трае до четврток, 30 септември, а попишувачите работат интензивно на терен, од 8 до 20 часот и им порача на граѓаните кои досега не биле попишани, да бидат трпеливи и да очекуваат дека следните денови ќе бидат попишани.

Инаку, заклучно до денеска до 12.00 часот попишани се вкупно 1.395.000 граѓани, над 435.000 домаќинства и над 600.000 станови. Исто така, до денеска заклучно до 12.00 часот се самопопишани 195.477 граѓани од дијаспората.

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе

Нам бизнисмените не ни требаат ниту уставни преамбули ниту некакви параграфи за да ги почитуваме Република Бугарија и нејзините граѓани. Ние некого почитуваме доколку прави профит, плаќа даноци и доколку е општествено одговорен.

повеќе