Нема протест за „Монструм“ - досегашниот организатор вели лажна вест од МВР

За денеска најавениот протест како израз на револт за осудителните пресуди во предметот „Монструм" не е започнат. Блерим Ахмеди, кој се спомнуваше како организатор на најавените протести, денеска преку Фејсбук ја демантира полицијата и вели дека протест ќе има на 2 април. Самиот тој не се појави во 13.30 часот во паркот во населбата Чаир, како вообичаено место за почеток на протестниот марш. Од МВР велат дека токму Ахмеди го пријавил протестот.

Според Блерим Ахмеди, полицијата соопштила лажна вест со цел да го дезорганизира населението. Тој вели дека протестот ќе се одржи на 2 април и ги повика сите Албанци што е можно помасовно да го поддржат овој протест.

Од денешен протест се огради и Бедри Ајдари, роднина на еден од осудените во предметот „Монструм" и најави дека ќе протестира на 2 април. Тој вели дека не знае кој најавил протест за денеска.

 

Од МВР за МКД.мк велат дека протестот е и официјално пријавен во Министерството и дека е пријавен токму од Блерим Ахмеди. Дури, нагласуваат од МВР дека телефонски бил контактиран организаторот со цел да му се укаже протестите да бидат мирни, да не се повтори насилството од минатиот пат.

Овој протест беше најавен токму од лицето Блерим Ахмеди и МВР ги презеде сите неопходни мерки и активности за обезбедување на протестот, а соодветно и ја информиравме јавноста, велат од Министерството и ја демантираат неговата објава на Фејсбук.

„Во интерес на вистината, МВР ја известува јавноста дека, како и за секој најавен протест каде е потребно блокирање на сообраќајници и пренасочување на сообраќајот, Министерството ги известува граѓаните за да бидат информирани и да го организираат своето движење".

Вчера Министерството за внатрешни работи соопшти дека за денеска е најавен протест кој ќе започне од паркот во Чаир кон судскиот комплекс и дека ќе бидат преземени стандардни мерки за исклучување на сообраќајот на одредени улици.

По првиот протестен марш. Блерим Ахмеди заработи прекршочна казна од 510 евра поради непочитување на здравствените протоколи за време на протестот.

П.Џ.

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе