По изјавата на Фатмир Лимани за МКД.мк

Наскоро крилото на Лимани ќе се приклучи на Беса, потврдуваат од партијата

Очекуваме до крајот на идната недела политичкото крило што го претставува Фатмир Лимани да се приклучи на Двиижењето Беса, потврдуваат за МКД.мк од партијата на Биљал Касами. Лимани, кој е внук на лидерот на ДУИ Али Ахмети и кој ја напушти таа партија и самостојно се кандидираше за градоначалник на Кичево, претходно, во разговор за МКД.мк, изјави дека води разговори со Беса и со Алијанса за Албанците за обединување во една партија или за настап на опозицијата на Албанците на заедничка листа и дека така конечно ДУИ ќе биде поразена.

Неофицијално во изјава за МКД.мк од Движењето Беса потврдуваат дека се разговара со Фатмир Лимани и дека разговорите во наредните денови треба да финишираат по што, „крилото“ на Лимани се очекува до крајот на идната недела да ѝ се приклучи на Беса.

Фатмир Лимани за МКД.мк утрово изјави дека силата на неговиот политички штаб не е шега зашто тој на локалните избори освоил околу 5.000 гласови и дека резултатот ќе бил и подобар доколку изборниот процес беше чесен но, како што рече, тоа не беше можно кога ДУИ е во прашање.

Тој самиот разговара со својот политички штаб, главно составен од лица кои, како и него, ја напуштиле ДУИ за да се „влезе во политичката структура што ќе биде формирана од редот на опозицијата на Албанците“.

                                                                                    Фатмир Лимани

За МКД.мк Лимани рече дека од разговорите што досега ги имал со претставниците на Беса и Алијанса за Албанците  „попозитивни вибрации чувствува кај Беса“ и потсети дека кај Алијанса за Албанците се очекува конгрес  и дека се можни кадровски измени, а „кај помладите структури во Алијанса насетува подготвеност за промени и нови идеи“.

Во изминатиот период откако ја наушти ДУИ, иако негов чичко е лидерот Али Ахмети, Лимани остро ги критикува „интегративците“ и ги обвинува за криминално и коруптивно однесеување користејќи ги полугите на власта.

П.Џ.

Постоењето на еден отпорен, одржлив и правичен систем на храна е нешто што мора да биде столб на секоја агенда која има за цел за климатско ублажување или адаптација.

повеќе

Економската криза е лоша во сите сфери на живеењето, но од неа можеме и да научиме по нешто.

повеќе

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе