Според податоците на АВМУ

На сметката на 1ТВ лани легнале 637 илјади евра, премалку за функционирање на една телевизија

Во 2018 година вкупните приходи на 1ТВ изнесувале 39,232 милиони денари (околу 637 илјади евра), а приходите од рекламирање 33,944 милиони денари (околу 550 илјади евра), се вели во одговорот на Агенцијата за аудио и аудиовизуелни медиумски услуги на прашањето на МКД.мк за приходите на одделни телевизии.

Во Македонија приходите на националните телевизии се движат од 100 до 600 милиони денари. Споредбата со приходите на 1ТВ покажува дека лани оваа телевизија легално инкасирала три пати помалку од, во приходи, најслабата телевизија.

Со оглед на продукцијата на 1ТВ, на бројноста на екипата, на искусниот уреднички дел од информативната програма, повеќе од очигледно е дека со тие 600 илјади евра едноставно не било можно да опстане една телевизија.

Ова, на некој начин индиректно ги потврдува сите шпекулации за кешот што Бојан Јовановски, директорот на 1ТВ, го добивал од одредени компании за време на неговите рекетарски маркетиншки состаноци.

А каде сѐ одел тој кеш, допрва ќе треба да се открива во случајот „Рекет“.

Според членот 15 од Законот за медиуми, радиодифузерите се должни најдоцна до 31 март во тековната година да ги достават во Агенцијата податоците за работењето во претходната година.

А.Д.

Нашиот процес на преговори многу веројатно ќе биде предмет на уште построги критериуми и мониторинг имајќи ги предвид искуствата на земјите кои во моментот преговараат. 

повеќе

На Македонија и Бугарија им треба дебата која ќе го унапреди историското разбирање без робување на идеологии, митологии и политики.

повеќе

Македонизмот често е мистика и точка на недоразбирање и меѓу Македонците и на Македонците со другите народи во и околу Македонија.

повеќе