Кај Идомени

На грчко-македонската граница нова раздвиженост на бегалци и мигранти

Само во вторникот, македонските полицајци вратија во Грција 300 лица кои нелегално ја поминаа граничната линија, пишува солунскиот информативен портал „Тестудеј“ и коментира дека повторно се зголемуваат бегалските и мигрантските бранови на грчко- македонската граница кај Идомени, јави дописничката на МИА од Атина.

Во текстот преземен и од повеќе други грчки онлајн медиуми, порталот пишува дека е вообичаена тактиката на „push back“, односно на враќање назад на мигрантите од македонска страна.

Паралелно, новинарот додава дека Идомени неколку дена е без патролни полициски возила, бидејќи трите возила што биле на располагање, сега се вклучени во контрола на мерките за ковид-19.

„Повторно имаме проблем, особено сега кога нема патролни возила. Со возови и пешки доаѓаат во Идомени и скриени во нивите чекаат шанса да ја поминат оградата“, вели претседателката на локалната заедница на Идомени за „Тестудеј“.

Во медиумите во Грција, особено во солунските, повремено има текстови за зголемена раздвиженост на мигранти и бегалци во близина на границата со Северна Македонија, кои до Идомени стигнуваат или пеш или откако нелегално се качуваат на товарни возови. На ист начин како што пристигнуваа и во изминатите години, користејќи ја балканската рута за да стигнат до некоја од земјите во централна или северна Европа.

 

Незабележливите разлики во нашето однесување кои се дел од психолошката манипулација на социјалните мрежи се предизвикани од надзорниот капитализам и ја нарушуваат демократската култура и личната автономија.

повеќе

После десетици години се решава холдингот, неданочните давачки и царинските тарифи значајни за бизнисот.

повеќе

Целиот свет гледа на 2021 година како на година на заздравување на економијата.

повеќе