Претседателски избори 2019

МВР: Регистрирани се два случаи на фотографирање гласачко ливче

Oд Министерството за внатрешни работи соопштија дека до овој момент се регистрирани два случаи на фотографирање гласачко ливче, а нема регистрирано нарушување на јавниот ред и мир во текот на гласањето.

„Во 9 часот и 5 минути на гласачко место во градинката „Лале срничка“ во Општина Аеродром претседателот на Избирачкиот одбор го забележал лицето Р. Ѓ. (36) како со мобилен телефон го фотографирал гласачкото ливче. Р.Ѓ. е приведен и по целосно документирање на случајот против него ќе биде поднесена соодветна пријава“, посочи Билјана Милевска од Одделот за односи со јавност.

Посочи дека во 11 часот и 40 минути на гласачко место 1515 во село Обршани лицето К.П. со мобилен телефон го фотографирал гласачкото ливче, наведувајќи дека од страна на полициски службеници се преземаат мерки за расчистување на случајот.

„Утрово во 6 часот и 11 минути во СВР Скопје било пријавено дека на гласачко место во ОУ „Дрита“ во село Рашче била оштетена влезната врата, но Изборната комисија констатирала дека нема проблеми со избирачкиот материјал и гласањето започнало во предвиденото време без проблеми“, нагласи Милевска.

Таа апелираше до сите граѓани на мирен и достоинствен начин да го искористат своето гласачко право.

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе

Што е со оние граѓани кои не се вклопуваат во нашиот (би)етнички дискурс?

повеќе

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе