„Македонија блокира“ вечер на собир во Вевчани

Мукоски: Им благодарам што им текна да ме посетат, ама протестното писмо за уставните измени е на погрешна адреса

Пратеникот Крсте Мукоски од ВМРО-ДПМНЕ е позитивно изненаден од најавата на поддржувачите на „Македонија блокира“ да го посетат во неговиот дом во Вевчани по 11 месеци.

„Многу им благодарам и позитивно сум изненаден што им текна по 11 месеци да ме видат. Се разбира, во мојот дом ќе испиеме кафе, ќе бидат послужени со благо. Нема никаков проблем“, изјави за МКД.мк пратеникот Мукоски.

Во врска со најавата од „Македонија блокира“ дека ќе му врачат протестно писмо во врска со неговото гласање за уставните измени и од него ќе побараат да ја промени својата одлука при повторното гласање во Собранието кога ќе биде потребно двотретинско мнозинство за потврдување на уставните измени, Мукоски вели дека ќе им каже оти писмото е на погрешна адреса.

„Не можам предвреме да зборувам, да го видам прво писмото, па потоа би го коментирал. Но, ќе им кажам дека писмото е на погрешна адреса“, ни изјави Мукоски без да коментира на која адреса требало да се упати тоа протестно писмо.

„Македонија блокира“ во своето соопштение најави дека денеска ќе се одржи народен собир во Вевчани, по што ќе се посети домот на Мукоски. Наредниот собир што го најавува Движењето е в сабота во Охрид пред хотелот „Ројал Вју“. Оттаму поворката ќе се упати кон домовите на пратениците Сашо Василески и Љубен Арнаудов при што и нив ќе им биде врачено протестно писмо во врска со нивното гласање за уставни измени и воедно и од нив ќе биде побарано да ја сменат својата одлука при повторното гласање во Собранието кога ќе биде потребно двотретинско мнозинство за потврдување на уставните измени.
„Она што го бараме од горенаведените пратеници е само да ја испочитуваат волјата на граѓаните кои ги избраа да ги застапуваат во Собранието на Република Македонија и истата да не ја погазуваат по втор пат“, пишува во соопштението од Движењето „Македонија блокира“.

 

Деновиве Владата донесе одлука за формирање на ново министерство. А и така, по глава на жител, верувам, рекордери сме по министерства и министри. Оттука, размислував зошто да не предложам да се формира уште едно – за „спречување автоголови".

повеќе

Денес, кандидати за политички функции се луѓето. Утре, тоа ќе го прават интелигентни машини. И, тие може и ќе победуваат, како што расте незадоволството на граѓаните од човечките политичари.

повеќе

Еден од начините на промовирање подобри меѓуетнички односи помеѓу децата е овозможување подолготраен контакт помеѓу нив што ќе овозможи создавање значајни индивидуални врски помеѓу децата.

повеќе