Муареми не даде оставка, туку му заврши мандатот, а тој направи парада, вели Русковска

Обвинителката Вилма Русковска во денешната изјава за новинарите по поднесувањето на жалбата за нејзината суспензија, рече дека не е точно дека директорот на Управата за финансиска полиција, Арафат Муареми си дал оставка. „Тој не даде оставка туку му заврши мандатот, а тој направи парада дека дал оставка“, рече Русковска пред медиумите. 

Обвинителката Вилма Русковска денеска ја поднесе жалбата за нејзината суспензија до Советот на јавни обвинители. „Со жалбата ги побивам наводите во решението. Не сум прашала за која кривична пријава се однесува суспензијата, но сметам дека се однесува на пријавата која Муареми ја поднесе против мене", изјави таа не откривајќи детали, бидејќи, како што рече, со жалбата прво треба да се запознаат членовите на Советот.

„Ова не го сметам за суспензија на Русковска, туку за суспензија на правото и правдата. Без разлика што имаше соопштение дека предметите кои ги водев јас ќе продолжат со ист интензитет, после ова мене што ми се случи не верувам дека кој било колега сериозно ќе продолжи да постапува по истите", изјави Русковска.

Првиот човек на Управата за Финансиска полиција, Арафат Муареми поднесе оставка, а претходно поднесе кривична пријава до Основното јавно обвинителство Скопје против три обвинителки од Обвинителството за гонење организиран криминал за претресот во Управата неколку недели претходно.

Освен за Русковска, поднесени се пријави и против обвинителките Ивана Трајчева и Елизабета Јосифовска кои го извршиле претресот.

Како да ги зачуваме националните и креативни наследства со помош на вештачката интелигенција?

повеќе

Ќутејќи - банализирамо. Банализирајќи - нормализирамо. Нормализирајќи - дозвољуемо пред очи да ни се повампируа фашизмот и нацизмот.

повеќе

Самата идеја на странските директни инвестиции е да донесе нови вработувања со повисоки плати кои треба да ги исплаќа странскиот инвеститор.

повеќе