Брисел

Можната нова политичка криза го носи Хан во Скопје

По последните случувања во земјава за наредната недела е најавено доаѓањето на Јоханес Хан во Скопје. Еврокомесарот за проширување доаѓа поради можната нова политичка криза во Македонија.

Денешното најавено неучество на опозицијата на лидерската средба, случувањата околу СЈО и специјалната јавна обвинителка Катица Јанева, аферите за злоупотреби на владини службеници, појавата на нови „бомби“ во јавноста... се знак за Брисел за поблизок увид во ситуацијата.

Предвидено е Хан во Скопје да има средби со Зоран Заев, со Али Ахмети и со Христијан Мицкоски. Брисел веќе побара продолжување на работата на Специјалното јавно обвинителство и целосно расчистување на скандалот со рекетирањето на бизнисмени и злоупотребата на телефонски разговори.

Од Скопје, на 25 и 26 јули, Хан во Белград ќе има средби со српскиот претседател Александар Вучиќ и премиерката Ана Брнабиќ .

„Комесарот Хан во Белград ќе се состане со претседателот и премиерката на Србија, со кои ќе разговара околу реформите што ги спроведува Србија на патот кон ЕУ, како и за регионалните прашања“, изјавил портпаролот на ЕУ за агенцијата Танјуг.

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе