Могерини: Почетокот на пристапните преговори годинава е и останува стратегиска цел

„Почетокот на преговорите за пристапување годинава е и останува стратегиска цел. Не само за владата, туку и за целата земја. Мора да кажам дека ние од наша страна ја потврдивме нашата решеност да ги поддржиме сите политички сили на Северна Македонија да ја постигнат оваа цел, која е заедничка“, рече шефицата на европската дипломатија Федерина Могерини по средбата во рамките на преговорите за Спогодбата за стабилизација и асоцијација со Македонија во Брисел.

„Заедничка во национална смисла и заедничка во европска смисла. Горди сме што ве придружуваме во секој можен чекор од патот. Вие нè потсетивте дека е можно да се постигнат историски резултати во рамките на односите со вашите соседи и во меѓувреме да се остане фокусиран на агендата на евроинтеграциите и реформите.

Постигнувањето на двете работи во исто време беше доста извонредно.

Сите парламентарни партии во земјата, било од владата, било од опозицијата, имаат одговорност пред своите граѓани.

А ние мислиме дека тие мора да работат внатре во рамките на институциите на самата држава. Ова е пораката што ја имам пратено неколку пати во минатото, без разлика кој бил во владата, а кој во опозиција. И ова е еден од клучните елементи на добрата и силна соработка во ЕУ-институциите.

Сите видови политички несогласувања се искажуваат во рамките на соодветните институции во земјата“, порача Могерини.

 

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе