СКОПЈЕ-БЕЛГРАД

МНР доби нота од Србија за повлекувањето на персоналот во амбасадата, МВР го зголеми обезбедувањето

По вчерашното неочекувано повлекување на сите вработени во амбасадата на Србија во Македонија, од македонското Министерство за надворешни работи соопштија дека тие само биле известени за повлекувањето, но не ги знаат и причините за итните консултации во Белград.

„МНР на Република Македонија доби нота од амбасадата на Република Србија во Скопје, со која сме известени дека персоналот на Амбасадата е повикан на консултации во Белград. МНР на Република Македонија не е запознаена со причините за оваа одлука и во тој правец воспоставува комуникација со МНР на Република Србија во насока на утврдување на причините за оваа постапка. Согласно релевантните одредби на Виенската конвенција за дипломатски односи, соодветните институции на Република Македонија преземаат мерки за заштита на безбедноста и интегритетот на амбасадата на Република Србија во Скопје“, се вели во соопштението на МНР.

Сите вработени во српската амбасада во Скопје вчера неочекувано беа повлечени на итни консултации во Белград.

Од МВР исто така информираат дека по барање на амбасадата зголемена е безбедноста на амбасадата на Србија во Скопје.

Определуваќи се за европските вредности на демократијата се наоѓаме пред историска шанса која не треба и не смее да се пропушти не само во односите со Бугарија.

повеќе

Македонија сѐ повеќе заглавува во сиромаштија чија стапка изнесува скоро 22 отсто од вкупното население, речиси една третина од децата живеат во сиромаштија.

повеќе

Дали поновите, посјајните и посложените нешта автоматски значи дека се подобри? Всушност, најчесто вистината е спротивна на тоа.

повеќе