ММДЧП го осуди потегот на Грција да ја повлече регистрацијата на македонска културна организација

Еден ден откако ја одобри регистрацијата на организацијата Крсте Мисирков, Грција нагло ја смени својата одлука и ја поништи регистрацијата, тврдејќи дека имало „проблеми со правниот застапник на организацијата и неговите повеќекратни судири со грчкиот правен систем”. Личноста на која се однесува оваа забелешка е отец Никодим Царкњас, кој е во судир со грчкиот правен систем само поради тоа што Грција смета дека декларирањето за Македонец и барањето основни човекови и малцински права за Македонците е кривично дело, се вели во реакцијата на Македонското меѓународно движење за човекови права.

„Не само што Европската Унија им дозволува на своите земји-членки постојано да ги кршат човековите права на своите етнички малцинства (во случајов Грција и Бугарија), туку ЕУ и ги охрабрува и поттикнува да ги кршат правата на македонското малцинство. ЕУ ги поддржа повиците на двете овие земји упатени кон Македонија да се избрише нашето име, идентитет и да се фалсификува нашата историја, се со цел да се задоволат барањата на Грција и Бугарија и нивната јавно и со гордост декларирана цел да негира постоењето на големите македонски малцинства во рамките на нивните граници.

Наместо ирационално да го слави потпишувањето на анти-македонските договори со Грција и Бугарија како ‘решавање на дипломатски спорови’, ЕУ мора да го осуди натамошното спроведување на овие договори, да ги осуди обете свои членки за брутално кршење на малцинските права и конечно да ги спорведе конвенциите за заштита на правата кои тие упорно ги прекршуваат“, се вели во соопштението на ММДЧП.

Узурпацијата на јавниот простор како камен за сопнување на граѓанскиот активизам.

повеќе

Паузата во борбата против коронавирусот, бизнисот ја користи за свое преструктуирање и за непосредни контакти со компаниите кои беа запоставени во изминатиот период.

повеќе

Страшно е да се помисли дека постојат луѓе што со години се распрашуваат, го истражуваат, и го следат животот на граѓаните преку социјалните мрежи и интернетот.

повеќе