Мисајловски: Порачуваме оставка за оваа ненародна власт, оставка за оваа патлиџан надворешна политика

Миистерството за надворешни работи (МНР) треба да ги штити македонските национални интереси каде едно време јас работев, а сега гледаме дека неколку дена се скриени и немаат одговор за главните прашања за Македонецот, немаат договор за македонскиот идентитет, за македонската историја токму така како што кажавте изгледа кичмата ја наведнаа, рече денеска потпретседателот на ВМРО-ДПМНЕ Владо Мисајловски на протестот пред МНР организиран од таа партија под мотото „Оставка на Заев, слобода на народот“.

„Дали гледате дека некоја бугарска телевизија и медиум треба да дојде за да сфатиме сите што Зоран Заев преговара зошто македонските медиуми не може да дознаат. Гледаме дека целата влада е скриена , скриени се и не коментираат за овие прашања зошто е оставено се на Зоран Заев да распродава“, рече Мисајловски во своето обраќање.

Иван Јорданов, пратеник од ВМРО-ДПМНЕ во своето обраќање на протестот пред МНР побара оставка од Зоран Заев и масовно блокирање на улиците и институциите низ земјава.

„Порачуваме оставка за оваа ненародна власт, оставка за оваа патлиџан надворешна политика, оставка за сите предавства коишто се правеа и коишто се на ум да ги направат“, нагласи Јорданов.

Протестот продолжи пред Владата, од каде пратеничката од редовите на ВМРО-ДПМНЕ и Коалицијата „За обнова на Македонија" Гордана Силјановска Давкова порача дека граѓаните денес излегле на протест бидејќи на земјава, како што рече, и се заканува смртоносен вирус.

„Граѓаните денес излегоа на протест бидејќи сега во моментов се заканува смртоносен вирус на Република Македонија. Вирус кој се заканува дека ќе го загрози идентитетот, јазикот и историјата на Република Македонија. Тој вирус се нарекува Зоран Заев“, рече Силјановска Давкова, додавајќи дека е срамота тоа што го говори владата и Заев. 

Можеби ни треба регистар на погрешни перцепции на граѓаните за криминалот и корупцијата во државата.

повеќе

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе