Усвоени законските измени

Минималната плата од идниот месец ќе биде 14.500 денари

Собранието со 59 гласа „за" и без ниту еден „против" и „воздржан", попладнево го донесе Предлог-законот за изменување и дополнување на Законот за минимална плата, по скратена постапка.

Пратеничката Жаклина Лазаревска од СДСМ информира дека предлагаат ново зголемување на минималната плата од 14.500 денари кое ќе важи од декември 2019 година заклучно со март 2020 година кога, како што рече, очекуваме да имаме законско усогласување и вака како што сме тргнале ќе дојдеме и до платата која ја ветивме во нашата предизборна кампања, до минимална плата од 16.000 денари.

Според Лазаревска, тоа на опозициската ВМРО-ДПМНЕ не и одговара, а партијата ги давала парите за непродуктивни работи, како „Скопје 2014”, жални врби, исушени палми…

Пратениците од ВМРО-ДПМНЕ најавија дека ќе го поддржат законот, но сметаат дека тоа е популистичка мерка пред избори и оти не е објаснето како е стасано до сумата од 14.500 денари, бидејќи не е приложена никаква анализа.

Благоја Деспотоски од ВМРО-ДПМНЕ рече дека принципиелно ќе гласа и ќе го поддржи овој закон бидејќи, како што рече, секогаш „ќе бидам на страната на работниците и секое законско решение што нешто значи за нив, ќе го поддржам”.

Тој додаде дека откако се распишаа изборите се ќе им се ветува на сите и праша што ќе се случува со економијата во земјава по изборите. Смета дека е потребно да се подобри бизнис климата во која, како што рече, има неизвесност и таа се влошува. Потребно е зголемување на продуктивноста на вработените и да се преземе нешто зошто високостручните кадри заминуваат во странство. Според него, треба драстичен хируршки зафат, владеење на правото, правна регулатива и сигурност.

Пратениците попладнево во рамки на 116. седница со 62 гласа „за”, без воздржани и без ниту еден глас против го донесоа и Предлог-законот за субвенционирање на придонесите од задолжително социјално осигурување поради зголемување на плата, по скратена постапка.

Јавното здравје и економијата одат заедно и во време на пандемија, па затоа најдобриот начин да ѝ се помогне на економијата во оваа криза е ако се воведат адекватни рестрикции за пандемијата да се стави под контрола.

повеќе

Стопанската комора на Македонија со донесувањето на 4-тиот сет на мерки гледа остварување на ветеното дека Владата на РСМ и во услови на здравствено- економска криза ќе стои зад компаниите.

повеќе

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе