Миниреконструкција во Владата, можни се 4 нови министри

За денеска Горан Милевски, министерот за локална самоуправа, како што најави, и официјално ќе ја поднесе оставката на оваа функција. Веќе се објавија неофицијални информации дека е можно да биде сменет министерот за здравство Беким Сали. Дознаваме дека на оваа листа за миниреконструкција во Владата се и министрите за информатичко општество и администрација и за транспорт и врски, Адмирим Алити и Благој Бочварски.

Милевски изјави дека и новиот министер за локална самоуправа би требало да биде од Либерално-демократската партија, а веќе се споменува и можното враќање во политиката на Ристо Пенов, поранешниот градоначалник на Скопје.

Како што дознаваме, во здравство планирани се и смени на неколку директорски места во здравствените институции и преземање на овој сектор од СДСМ. Како можни кандидати се споменуваат имињата на докторите и директори на клиники и болници Софија Пејкова, Милена Стевановиќ и Христијан Костов. Во изјава за медиуми Ковачевски рече дека не планира смена на министерското место во здравство и дека е задоволен од работата на Сали. 

Адмирим Алити, министерот за информатичко општество и администрација деновиве е актуелен со новите проценти во „балансерот“ и кревање на процентот на Албанците на 31,54 % и покрај укажувањата на Државниот завод за статистика дека треба да се пресметуваат процентите само на резидентното население, а не и на дијаспората.

Министерството за транспорт и врски водено од Благој Бочварски веќе подолго време има проблем со реализацијата на големите инвестициски проекти, главно автопатиштата Кичево-Охрид, Скопје-Блаце, железничката и патна инфраструктура со Бугарија...

Владата на премиерот Димитар Ковачевски е веќе седум месеци на власт. И овој период на владеење на коалицијата СДСМ-ДУИ беше проследен со бројни скандали, оставки, смени, подзаборавени ветувања...

А.Д.

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе

Деновиве адвокатот Тортевски во дебатна емисија рече дека немаме критична маса за држава. Не знам дали е така, но изгледа немаме критична маса за сериозни дебати и дијалози во општеството. 

повеќе

Светска банка проценува дека за секој долар инвестиран во здравството, државата има бенефит од 4 долари во смисла на зголемена економска продуктивност.

повеќе