Реакција

Mилошоски: Ќе направам сѐ Фрчкоски да не стане амбасадор во ОН

Како претседател на собраниската Комисијата за надворешна политика, согласно Деловникот, ќе вложам максимални напори во Њујорк да не дозволиме да нѐ претставува амбасадор кој бил оценет за непожелен од страна на САД, како земја домаќин на ООН, напиша утрово на својот фејсбук-профил Антонијо Милошоски по вчерашната објава на собранискиот претседател Талат Џафери дека професорот Љубомир Фрчкоски е кандидат за македонски амбасадор во ОН.

Колку ни е лошо организирана дипломатијата говори самиот факт што три години Македонија е без амбасадор во Вашингтон, пишува Милошоски.

„Американската дипломатска кота е празна заради личните пазарења на премиерот со амбасадорските позиции, во случајов компензација од Заев кон Фрчкоски, како оддолжување за неговиот придонес кон „ликот и делото" на премиерот. Таквото тргување со амбасадорската позиција во САД нѐ доведе до понижувачка ситуација во март оваа година, кога висок претставник на Стејт Департментот лично му се јавил на Заев со став дека Вашингтон нема да даде согласност за владината одлука за номинација на Фрчкоски за амбасадор во Америка. Во присуство на уште еден државен функционер, Заев, за лошиот амбасадорски избор морал да се правда на уште полош англиски“.

Милошоски вели дека во дипломатијата, кандидат за амбасадор кој не добил агреман од Вашингтон, по автоматизам се подразбира дека е неупотреблив како дипломат на територијата на САД.

„Итроштините на Заев малку да го задоволи егото на клиентот, а малку да го ублажи срамот пред американците, па Фрчкоски да го седне во амбасадорското столче на Ист Ривер, се провидни бидејќи седиштето на ОН сепак е во Њујорк, на територијата на Америка. Дополнително, САД се една од петте постојани членки на Советот за безбедност на ОН и амбасадор кој бил непожелен во Вашингтон ќе има и сериозен хендикеп во дипломатската активност во Њујорк. Во ООН постои и дипломатски НАТО-клуб каде амбасадорите на земјите членки имаат редовна координација, а со персона како Фрчкоски и овој битен дипломатски кружок би останал неискористен.

Од она што во МНР го има како архивска меморија преку дописите од мисијата на Македонија при ООН, од 1993 година до денес не е забележан случај амбасадор на која било држава, кој бил одбиен за агреман во Вашингтон потоа да биде испратен за амбасадор во Обединетите Нации. Ниту држави како Танзанија која е хибриден режим, не си дозволуваат вакви дипломатски екскурзии во односите со САД.

Очигледно, МНР Османи одбрал да не биде коректив на лошата одлука на Заев, после одбивањето од Вашингтон, Фрчкоски да биде номиниран за амбасадор во ОН. Но, кога владата и МНР носат лоши решенија за угледот на македонската дипломатија, тогаш должност на Собранието е да биде коректив на извршната власт.

 

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе

Нам бизнисмените не ни требаат ниту уставни преамбули ниту некакви параграфи за да ги почитуваме Република Бугарија и нејзините граѓани. Ние некого почитуваме доколку прави профит, плаќа даноци и доколку е општествено одговорен.

повеќе