ВМРО-ДПМНЕ

Милошоски: Фирма на Вице Заев и 29 други струмички фирми профитирале од Еуростандард

29 фирми кои се блиски до семејството Заеви, меѓу која и фирмата „Сара инженеринг” која е фирма на Вице Заев, „Глобал Медиа Груп”, како и „Тритерол”, бизнис партнери на Зоран Заев како поранешен градоначалник, со месеци наназад не ги плаќале кредитите во Еуростандард банка, изјави на денешната расправа на седницата на Собранието на Република Македонија пратеникот од ВМРО-ДПМНЕ Антонио Милошоски.

„Овие 29 фирми блиски до Заеви, меѓу кои и фирмите кои се во нивен посед, оствариле добивка од Еуростандард банка од 12,8 милиони евра поради неплаќањето на кредитите, на штета на штедачите кои имале средства во Еуростандард банка“. Милошоски ѝ посочи на гувернерката на Народната банка Бежовска дека таа требала да ги знае овие информации од ревизиите, особено од 22 мај, кога е воведен дневен надзор над банката. Тој уште еднаш ја запраша гувернерката зошто дозволила овие 29 фирми блиски до Заеви да не ги плаќаат кредитите и да остваруваат добивка на грбот на штедачите, и исто така дали за овие работи била информирана, а не реагирала.