Хрватскиот претседател

Милановиќ: Тука сме да им помогнеме на пријателите да влезат во ЕУ, тоа е во интерес на сите

Загреб и Љубљана се тука за да им помогнат на пријателите од Западен Балкан да влезат во Европската Унија, бидејќи тоа е во интерес на сите. Како што е и претпоставката дека е во интерес на Словенија влезот на Хрватска во шенген-зоната, рече вчера на Блед хрватскиот претседател Зоран Милановиќ.

Фото: ЕПА

Претседавачите на Процесот Брдо-Бриони, претседателите на Хрватска, Зоран Милановиќ и на Словенија, Борут Пахор, одржаа работен состанок на Блед пред годишниот состанок на Процесот Брдо-Бриони, на кој ќе присуствува и македонскиот претседател Стево Пендаровски.

Иницијативата Брдо-Бриони во изминатите 10 години покажа „дека има многу смисла“, изјави Милановиќ пред новинарите пред средбата со својот колега Пахор.

„Тука сме да ги охрабриме и да им помогнеме на пријателите и соседите од Западен Балкан, по правило од просторите на поранешна Југославија плус Албанија, што е можно побрзо да влезат во Европската Унија, ако е можно, бидејќи тоа е во интерес на сите“, рече хрватскиот претседател.

Милановиќ претпоставува и дека е во интерес на Словенија Хрватска што е можно побрзо да влезе во шенген-зоната.

„Сето ова е дел од една широка приказна во која ќе сториме сѐ што е можно, пред сè нашата влада, односно извршната власт, но и од наша страна, да ги направиме соседите, што е можно побрзо, дел од заедницата на која ние ѝ припаѓаме“, рече Милановиќ.

Претседателот на Хрватска рече дека не постојат исти ставови за сите прашања, но дека верува дека има точки што се компатибилни.

Пахор рече дека по година и пол прекин на дијалогот се нагласиле разликите во ставовите, но додаде дека поради тоа, потребата за дијалог е уште поголема.

„Ние го гледаме Западен Балкан како целина, а не само како одделни држави“, рече Пахор, како што објави словенечката агенција СТА.

Процесот Брдо-Бриони беше инициран од Хрватска и Словенија во 2013 година со цел да се стабилизира состојбата во европскиот југоисток преку регионална соработка и решавање на отворените прашања и да се создадат предуслови за проширување на Европската Унија.

Легенда под Главна слика

Фото: ЕПА

Алчноста за максимизирање на површината на градење ја помина „црвената линија“. Градот полека ја сече гранката на која седи.

повеќе

Пристигна барањето од етничкиот албански фактор во политиката за тоа да има промена во химната, знамето и грбот на државата.

повеќе

Доколку најмоќните луѓе во земјата (вклучително и претседателот Милановиќ) не престанат со вербалните напади и притисоци врз новинари и медиуми, се плашам дека Хрватска ќе појде по стапките на Унгарија, Полска и Словенија во однос на (не)слободата на медиумите, што секако не е европски, туку автократски пат.

повеќе