За „Тортура“

Мијалков и „алфите“ ги гледаат снимките од апсењето на Бошкоски

Снимки од апсењето на поранешниот министер за внатрешни работи, Љубе Бошкоски се гледаат во судница на судењето за случајот "Тортура".  

На снимките се гледаат како службени лица од МВР вршат увид на местото каде полициските „алфи“ го апсеа Бошкоски за случајот „Кампања“. На снимката се гледаат пари, мобилни телефони, кесичка „Зара“ и други предмети. Доказите се собираат во хартиени кеси.

Во папката со докази СЈО за овој предмет има поголем број ЦД-иња, а судијката Александра Ристевска напомена дека за снимките ќе требаат часови за да се изгледаат сите.

Обвинителот на СЈО Љубомир Лапе предложи да се премотуваат снимките, но одбраната, обвинетиот Сашо Мијалков и полициските „алфи“ се спротивставија на ваквиот предлог. Мијалков рече дека ќе се гледаат сите снимки кои СЈО ги предложило како доказ.

Во судница присутни се обвинетите, а оштетениот Бошкоски не е присутен. Судењето е во тек.

Политичките раководства во Република Македонија мора да сфатат дека немаат комодитет да ги занемаруваат економските политики на сметка на политичките агенди.

повеќе

Четирите предложени амандмани треба да им го оневозможат луксузот што го имаа сите досегашни влади, на сите идни влади - спорот за името да им биде изговор за несовесно работење, корупција и системски пропусти.

повеќе

Планот за чист воздух од само 1,5 милиони евра издвоени од буџетот и за граѓаните и за еколошките активисти е несериозен.

повеќе