Михаел Рот: ЕУ оставајќи го Западен Балкан во вакуум си пука сама во нога

Доколку Европската Унија (ЕУ) остави вакуум на Западен Балкан, тогаш и други сили, што не ги делат демократските вредности на Унијта, ќе влезат во тој вакуум, изјави државниот секретар за Европа во германското Министерство за надворешни работи Михаел Рот.

Тој изрази разочарување што немало напредок во интеграцијата на земјите од Западен Балкан за време на претседателството на Германија со Европската Унија во изминатите шест месеци.

„Итно ни требаат позитивни сигнали за Западен Балкан. Во прашање не е ништо помалку од нашиот кредибилитет”, изјави Рот за Ханделсблат.

„Мора да го истуркаме тоа. Мирот, регионалното помирување и демократијата на Западен Балкан се од централно стратешко значење за цела Европа, особено за непосредното соседство”, рече германскиот официјален претставник.

Ханделсблат додава дека сили како Русија, Кина и Турција се заинтересирани за регионот.

„Ако ЕУ остави вакуум на Западен Балкан, тогаш други сили, кои не ги делат демократските вредности на ЕУ, ќе влезат во тој вакуум од геостратешки причини… Ние се пукаме сами во коленото“, рече Рот.

Тој смета дека двоумењето на ЕУ се толкува како слабост во светот во кој авторитаризмот станува се посилен, а демократијата е под се поголем притисок.

Германскиот политичар ги поврзува прашањата за владеењето на правото и борбата против корупцијата со емиграцијата од балканските земји. Според него, помладите генерации кои заминуваат ја напуштаат својата татковина затоа што не гледаат перспектива.

„Тоа е трагедија за земјите од Балканот“, нагласи Рот.

„ЕУ мора да биде поприсутна во емотивната перцепција на народот. Не за да можеме да се тапкаме по рамо. На крајот, тоа е пробив на Европа во системската конкуренција со авторитарните сили кои инаку ќе се закотват на сред Европа”, додаде Рот. 

Формирањето на платформа за прекугранична соработка за борба против аерозагадувањето има потенцијал вистински да придонесе за намалување на загадувањето на воздухот во нашата земја.

повеќе

 Еврообврзница во услови на најголемата светска економска криза за репрограмирање на долгот и буџетска поддршка.

повеќе

Повикот на Заев за „Влада за национален спас“ само три дена откако неговиот кабинет ја доби собраниската доверба, покажува дека таа тешко би се качила над сегашните 62 пратеници.

повеќе