Мицкоски одби да им се обрати на демонстрантите пред Собрание, дел од нив го исвиркаа

Веднаш после прес-конференцијата пред Собранието, лидерот на ВМРО-ДПМНЕ Христијан Мицкоски, потпретседателот Александар Николоски и други пратеници од ВМРО-ДПМНЕ се приклучија на протестот против уставните измени, организиран од „Македонија Блокира" и „Тврдокорни".

Иако Мицкоски беше на протестот против уставните измени тој одби да им се обрати на демонстрантите.

Христијан Мицкоски претседател на ВМРО-ДПМНЕ, ве повикувам на импровизираната говорница да се обратите на Македонскиот народ и тука има камери и можат да ве снимаат, го повика Драган Угриновски од „Македонија Блокира“.

Тие се обидоа и со добро и со лошо да го убедат да се качи на бината, но не успеаја. Откако ги одби Мицкоски беше исвиркан од дел од присутните.

Претходно Мицкоски изјави дека ВМРО-ДПМНЕ нема да учествува на седницата за уставни измени која е презакажана за во 16 часот.

„Денес е финалниот акт на овој срамен процес во кој Република Македонија е втурната од Зоран Заев и владејачкото мнозинство. До промена на уставното име се доаѓа преку акт на насилство врз процедутите, уцени и закани врз пратениците и нивни блиски. Ние нема да учествуваме во тој проецес, на денешната седница нема да дадеме летимитет за промена на уставот. Цврсто сме убедени дека тие се штетни и дека оставаат траен белег врз македонското национално единство. Имаме процес на промена на Уставот преку промена на уставното име до кое се доаѓа преку пазарења, драконски уцени и има масовна злоупотреба на обвинителството и судскиот систем", изјави Мицкоски.

 

 

Во услови на партиска деполаризација на граѓаните, политичките елити во Македонија треба да пристапат кон помирување и ненасилно решавање на сите меѓусебни конфликти, за земјата да не се врати на патот на поделба.

повеќе

Помина веќе еден месец од објавувањето на документите на Викиликс на кои сите прочитавме дека Никола Димитров бил „заштитен извор на информации“ на САД. Засега, од обвинителството нема никаков одговор.

повеќе

Неопходно е да се надминат бариерите кои во моментов се присутни во регулаторната, политичката, финансиската и пазарната рамка и кои го кочат напредокот кон обновливите извори на енергија.

повеќе