Мицкоски од Охрид: Османи го манипулира народот за преговори со ЕУ

Претседателот на ВМРО-ДПМНЕ, Христијан Мицкоски го обвини министерот за надворешни работи Бујар Османи дека манипулира со народот и дека продолжува да не ја говори вистината.

„Тоа што го слушаме од Софија е дека сигурно ќе нема преговори. Единственото нешто кое што може да се случи е да се случи прва меѓувладина конференција“, изјави Мицкоски во Охрид, одговарајќи на прашање за изјавата на Бујар Османи во врска со можен договор и почеток на преговори со ЕУ.

Тој за јавноста појасни дека таа прва меѓувладина конференција е фолклор, настан без суштина.

„Ќе се сликаат претставниците на Европската комисија и на македонската влада, и тука завршува сѐ. Нема да почнат преговорите сѐ додека целокупната преговарачка рамка, ние не ја испочитуваме, а во таа преговарачка рамка ќе бидат вклучени барањата од страна на Бугарија, вклучително и интервенцијата во македонскиот Устав“, рече Мицкоски.
Тој повтори дека ВМРО-ДПМНЕ нема да ги поддржи тие промени во македонскиот Устав, бидејќи за тоа се потребни 2/3, токму поради тоа што „немаме никаква гаранција дека со тоа се затвораат сите отворени прашања помеѓу Македонија и Бугарија, и дека до самото членство на Македонија во ЕУ, нема да имаме повеќе вакви хегемонски барања од страна на политичарите кај нашиот источен сосед“.

Мицкоски додаде и дека ако зависи од Османи, Ковачевски, и од Петков, преговори нема да има, а ќе има во најдобар случај меѓувладина конференција, настан за камерите и фотоапаратите.

„А преговори ќе има кога ќе бидат исполнети бугарските барања кои што Ковачевски и Османи сакаат да ги прифатат и да бидат дел од преговарачката рамка, нешто на што ВМРО-ДПМНЕ нема никогаш да се согласи“, изјави Мицкоски.

 

 

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе

Самостојните уметници не се доволно мотивирани да создаваат. 

повеќе