Мицкоски не исклучува нови протести по Велигден: Бараме безусловна правда за политички инструирани случаи

Македонија е единствена земја со толку „терористи“ по затворите и огромен број драконски казни, а нашите побарувања се во насока на безусловна правда за секој еден граѓанин и ништо повеќе од тоа, изјави денеска претседателот на ВМРО-ДПМНЕ, Христијан Мицкоски во врска со 27 април и насилството во Собранието. Тој најави дека по велигденеските празници ќе ѝ соопшти на јавноста за идните делувања на партијата, но и за нови протести.

„ВМРО-ДПМНЕ ја подржува борбата за правда, не поддржува насилства, но во Македонија постои судска пракса дел од случаите во кои има основано сомневање дека биле политички инструирани, започнуваат во повторно судење и од почеток за да се аргументираат позициите на двете страни, од едната страна на обвинителството од другата страна на лицата којшто се обвинети, тоа е она за коешто залага партијата“, рече Мицкоски во Петровец.

Според него, ако се набљудува случајот со обвинетите за тероризам, Македонија е можеби единствената земја во светот со толку „терористи“ во затвор.

„Судијата кој ги изрече овие драконски казни е судија кој како да полагаше устен испит пред да стане уставен судија, а нормално од другата страна инспираторот и нарачателот доколку биде задоволен таа ќе биде промовирана во уставен судија што и се случи. Очигледно дека тој беше задоволен, а таа стана уставен судија. Она што ние го бараме е само правда ништо повеќе и безусловна борба против криминалот, корупцијата и неправдата“, рече Мицкоски.

Тој додаде дека не треба да има привилегирани групи на граѓани, граѓани кои ќе бидат блиски до ВМРО-ДПМНЕ, СДСМ, ДУИ, Алтернатива, Алијанса или останатите политички партии.

Во врска со најавите за нови протести Мицкоски истакна дека по празниците ќе може да се зборува за идните делувања на партијата.

„Сега треба да има мир и спокој во домовите на сите граѓани коишто се дел од православната христијанска вероисповед и муслиманската вероисповед се разбира, да не зборуваме за насилства, туку да зборуваме за помирување и за подобра заедничка иднина, а чекорите после овие два големи верски празници, опозицијата ќе ги презентира пред македонските граѓани, инаку протестот е еден од алатките којшто ги има опозицијата на располагање, против овие погрешни криминогени политики на оваа анационална власт во Македонија“, рече Мицкоски.

Коментирајќи ги состојбите во Собранието откако вчера пратениците од ВМРО-ДПМНЕ не можеа да зборуваат на седницата за интерпелацијата на министерот за внатрешни работи Оливер Спасовски, претседателот на ВМРО-ДПМНЕ рече дека после сите скандали доблесно би било министерот да си поднесе оставка на функцијата.

За Џафери кажа дека „не треба да си поигрува со оган, бидејќи најчесто поради тие игри страдаат граѓаните, а исто така Џафери не треба да поигрува со граѓаните „поради тоа што неговото минато е контроверзно и нема легитимитет да го прави тоа“.

Според Мицкоски, Џафери е тој кој треба да овозможи непречена работа во Собранието и работна хармонија, а не да ја префрла вината на опозициските партии поради тоа што законите кои ги договарале со премиерот и претседател на СДСМ Зоран Заев не поминуваат толку лесно. Тој додаде дека Заев и Џафери си поигруваат со оган кој може да ги изгори, а потоа нема назад. 

„ВМРО-ДПМНЕ ќе се бори со сите свои алатки да го спречи ваквото однесување на Џафери и власта во Собранието, а доколку истото продолжи да се случува, тогаш ВМРО-ДПМНЕ ќе размислува и на други опции преку кои сигурно ќе го надмине таквото однесување на спикерот и неговиот шеф Заев“, рече Мицкоски. 

 

Време е да се фокусираме врз суштинските проблеми. Време е да создадеме вистински ’општествен договор‘ за владеење на правото и на човековите права како главни столбови на европските вредности

повеќе

Стратешко партнерство на македонската влада со Зока енерџи солушнс, компанија регистрирана за обработка и отстранување на опасен отпад, не е правилен начин за решавање на проблемот во мала држава како Македонија.

повеќе

Цивилизацијата би можела да се дефинира како глутница која има рационална потреба да ги легитимира и образложи своите колежи, грабежи и узурпации.

повеќе