Мицкоски: Надлежните нека кажат кои се функционерите на СДСМ и ДУИ кои фиктивно испумпуваа пари од УЈП

Постои организирана група која лесно ги крадела граѓаните, односно го оштетила Буџетот, според наши информации некаде околу 20-30 милиони евра. За ова постојат дури и докази дека лица вработени во Управата за јавни приходи се повикувани во Министерството за внатрешни работи да дадат свој исказ, изјави денеска Христијан Мицкоски, претседател на ВМРО-ДПМНЕ.

„Затоа е многу важно дали МВР ќе излезе со детали, и ќе го спроведува законот заедно со Обвинителството за организиран криминал или тоа ние ќе го направиме, ќе обелодениме детали со имиња и со точни фирми кои се дел од оваа, би рекол злосторничка дружина“, рече Мицкоски.

Тој додаде дека во аферата се вплеткани високи функционери на СДСМ и ДУИ.

„Се работи за шема со инстант компанија која генерира фиктивни побарувања од УЈП за поврат на данок на додадена вредност, и фирма Б односно која долгува на УЈП по основ на данок на додадена вредност. Инстант компанијата со фиктивни фактури ѝ приоѓа на втората фирма и и вели дај да се пребиеме со цесија, односно ниту тие мене да ми вратат, нити вие да платите. Нормално, за определен надомест. И тогаш што се случува? Тие се пребиваат , а официјално се добива  поврат на ДДВ. За ова деталите ги има актуелна пратеничка на СДСМ, која порано беше директор на скопската подружница на Управата за јавни приходи. Тука е и еден господин од Општина Ранковце близок до поранешен висок функционер на СДСМ, а сега министер, Деталите ги има и актуелната директорка на УЈП или нејзиниот заменик“, нагласи Мицкоски и ги повика МВР и Обвинителството за организиран криминал да излезат со имиња, со јасна и прецизна динамика како ќе се спроведе законот за овој криминал и за оваа пљачка.

Здруженост, сплотеност и поврзаност на луѓе, друштва, организации и институции кон една заедничка цел или поради заедничка причина. 

повеќе

Неколку години при здрав разум сакаат да ни наметнат и да нѐ убедат дека со соседна Бугарија сме имале заедничка историја. 

повеќе

Деновиве во Комората пристигна нацрт-концептот за даночни реформи, кој треба да претставува основа за јавна расправа во наредниот период.

повеќе